Istrefi për shqiponjën e bërë në Rusi: E kam ndjerë obligim në shenjë falenderimi për përkrahjen që më është dhënë

Era Istrefi ka bashkëbiseduar në një live video në Instagram me Vjosa Osmanin. Këngëtarja diskutoi për karrierën e saj dhe për pauzën e bërë deri më tani ku dhe zbuloi edhe arsyen se pse nuk ka ardhur me ndonjë projekt të ri, shkruan KultPlus.

Era tha se si pasojë e mos-lejimit të këndoi në gjuhën shqipe nuk e ka vazhduar kontratën me kompaninë në të cilën ka qenë dhe shumë shpejt do nënshkruaj kontratën e re ku do i lejohet kjo gjë.

Era më pas është pyetur për një nga momentet më të rëndësishme e më të suksesshme në jetë, paraqitjen e saj në Kampionatin Botëror në Rusi

“Jam ndjerë jashtëzakonisht mirë, kanë qenë dy milionë shikues në stadiumin e Rusisë me Will dhe Nicky Jam. Will më ka lënë përshtypje shumë të mirë është interesuar shumë për Kosovën, më ka bërë pyetje të shumta se si kemi munduar t’ia dalim nga një vend i vogël, është interesuar për shumë gjëra. Çfarë e ka bërë më të veçantë është publiku shqiptar, është si asnjë publik tjetër një ndjenjë shumë e veçantë”. shtoi ajo.

Istrefi theksoi se e ka ndjerë si obligim ndaj shqiptarëve të bënte shqiponjën, edhe pse është kritikuar as këtij veprimi.

“E kam ndjerë obligim shpirtëror që të bëjë shqiponjën si lloj falënderimi për gjithë përkrahjen që më është bërë, më kanë qortuar pak por u kam treguar se ka qenë shumë spontante, e kam ndjerë. Në fund të ditës suksesin tim ia atribuoj shqiptarëve”, pohoi ajo.

Po ashtu, u.d. presidente Vjosa Osmani bashkë me Erën diskutuan edhe mundësinë depërtimit të artistëve shqiptar në skenat ndërkombëtare.

Kujtojmë  se Vjosa Osmani ka shpeshtuar lidhjet direkte live me artistët e estradës kohët e fundit./ KultPlus.com

Rikthehet Era Istrefi, bashkëpunim me artistin shqiptar (FOTO)

Njëra nga këngëtaret e suksesshme, fama e së cilës tashmë ka kaluar edhe kufijtë vendor, Era Istrefi, tash e disa kohë nuk ka sjellë projekte të reja muzikore, mirëpo siç duket tashmë ajo ka filluar të përgatisë një projekt të ri, shkruan KultPlus.

Era Istrefi siç duket do të vijë me një bashkëpunim me reperin Buta.

Në një foto të postuar në rrjetin social Instagram nga vet reperi, shihen të dy artistët në ambientet e një studio muzikore. Mirëpo nuk janë dhënë detaje se kur pritet që të dal në treg kënga. / KultPlus.com

https://www.instagram.com/p/CDJ9DiuHya_/?fbclid=IwAR0J4zvKoJj6oeSKmUuBTzGmPvy-QZV8va9beK0gaNCdXtV1LrPfFKIEJr0

Rita Ora: Jam krenare për gratë e forta shqiptare që përfaqësojnë trashëgiminë tonë

Këngëtarët shqiptarë me famë ndërkombëtare, kanë reaguar përmes postimeve të ndryshme duke i kërkuar kompanisë së madhe botërore ‘Apple’ që të vendos Kosovën në hartën e saj, shkruan KultPlus.

Faqja e krijuar në rrjetin social Instagram me emrin “Balkanism” ka bërë kërkesë ndaj Apple që të vendos Kosovën në hartë.

Mirëpo, Rita Ora, ka reaguar përsëri duke ftuar kështu edhe këngëtarë të tjera shqiptare që të marrin pjesë në këtë iniciativë.

Ajo përmes një statusi në llogarinë e saj në Facebook, ka ftuar Dua Lipën, Dafina Zeqirin, Era Istrefin, Bebe Rexhën e Ava Max.

Do të doja shumë që Apple të përhapte vetëdije tek masa duke e vendosur Kosovën në hartë! Shqipëria dhe Kosova kanë talente shumë të madha dhe unë jam aq krenare për të gjitha gratë e mahnitshme, të forta, të talentuara që përfaqësojnë trashëgiminë tonë. Dashuri, paqe dhe bashkim sot me Bebe Rexha Dua Lipa Era Istrefi Dafina Zeqiri Ava Max dhe shumë të tjera‘, ka shkruar Ora. / KultPlus.com

Era Istrefi lanson këngën “No Maybes”, bashkëpunim me Ilkay Sencan dhe Arash (VIDEO)

Këngëtarja e njohur Era Istrefi e cila ka kohë që nuk ka publikuar ndonjë projekt te ri, sapo i dha fund pritjes së fansave të saj, shkruan KultPlus.

Kënga vjen në bashkëpunim me artistët e njohur si Ilkay Sencan dhe Arash.

E titulluar “No Maybes” kjo këngë vjen në gjuhën angleze dhe shqipe. Pjesa ku këndon Era është pothuajse e gjitha në gjuhën shqipe.

Kujtojmë se Era Istrefi famën e madhe në tregun ndërkombëtar e mori me këngën “Bon Bon”, këngë kjo e krijuar nga producenti kosovar Cricket. / KultPlus.com

Përgatitjet e Era Istrefit për ceremoninë inauguruese të “Air Albania Stadium”

Era Istrefi është një prej këngëtareve që do të performojë sot në ceremoninë inauguruese të “Air Albania Stadium”. Në videon e publikuar nga koreografi Albi Nako, shihet Era teksa bën provat në fushën e stadiumit të ri.

“Live it up”, që ishte kolona zanore e Botërorit “Rusi 2018”, do të jetë një prej këngëve që do të këndohet nga Era.

Këngëtarja nga Kosova do të performojë edhe dy këngë të reja për tifozët që do të jenë të pranishëm në stadium./tch/ KultPlus.com