Largohet reklama nga murali i ‘Kamarierit’ në Ferizaj

Murali i parë, Kamarieri, i vendosur në Hotel Lybetenin është pjesë thelbësore e identitetit të Ferizajt.

Gjatë ditës së djeshme, ky mural është mbuluar me reklamë, derisa reagimi i Mural Fest Kosova ka qenë i menjëhershëm.

Sot është parë edhe largimi i kësaj reklame dhe rikthimi i “kamarierit” në qytetin e Ferizajit.

“Ndonëse struktura dhe pamja e qytetit të Ferizajt ka pësuar ndryshime të mëdha vitet e fundit, pikat referencë të qytetit që lidhen me identitetin e Ferizajt duhet të mbrohen nga institucionet kompetente në mënyrë që mos të lejohet dhe parandalohet tjetërsimi, shkatërrimi apo keqpërdorimi i tyre”, ishte mesazhi kryesor i përcjellur nga Mural Fest.

Rikthimin e “Kamarierit” po e bashkangjisim në foto më poshtë. /KultPlus.com

Bebe Rexha pjesë e reklamës së famshme të ‘Radio SiriusXM’

Tashmë shumë shpesh jemi mësuar të shohim artisten me famë botërore, Bebe Rexha, në shumë kampanja të brendeve të njohura botëore. Së fundi, ajo ka qenë pjesë e një reklame të re për radion tejet të famshme, ”SiriusXM”, një radio kjo nën udhëheqjen e artistit Kevin Hart, përcjell KultPlus.

“SiriusXM” në reklamën e re promovon mënyrën se si radio gjendet në çdo pajisje teknologjike dhe jo vetëm në radio.

Në video-reklamë, Rexha shihet teksa shkon te Kevin, i cili është duke kryer seancën e tij të kardios, ndërsa në lap-top mund të shihet duke dëgjuar radion. Dhe në atë moment, Bebe Rexha i drejtohet prezantuesit të famshëm duke i thënë: Kevin, ti mund të përdorësh telefonin tënd.

Bebe Rexha e ka ndarë këtë video me ndjekësit e saj në rrjete sociale, duke potencuar se ndjehet mjaft e kënaqur që është pjesë e kësaj reklame. / KultPlus.com

Pas kritikave, Audi largon reklamën ku një vajzë e vogël ha banane para modelit RS4

Prodhuesi gjerman i veturave, Audi, ka kërkuar falje për një reklamë ku një vajzë e vogël shihej duke ngrënë banane para veturës sportive, RS4 Avant, pas kritikave të shumta në Twitter.

“Po ju dëgjojmë dhe të flasim drejt: Ne kujdesemi për fëmijët. Kërkojmë falje sinqerisht për këtë fotografi të pandjeshme dhe ju sigurojmë se nuk do të përdoret në të ardhmen”, thuhet në deklaratën e kompanisë.

Kritikët thonë se pamja e fëmijës në këtë fotografi është provokuese dhe paraqet kërcënim për jetën, shkruan “BBC”, transmeton Gazeta Express.

Disa theksuan se vozitësi nuk do të mund ta shihte vajzën në atë pozicion, ndërsa të tjerët thanë se fotografia është me përmbajtje seksuale pasi bananet dhe veturat shpesh shihen si simbole të epshit mashkullor.

Në mbishkrimin që i ishte vendosur kësaj reklame në gjuhën angleze thuhet: “Lëre zemrën tënde të rrahë më shpejt – në secilin aspekt.”

Prodhuesi i njohur ka thënë se tashmë është duke zhvilluar hetime në lidhje me atë se si u bë që kjo reklamë të publikohej. / KultPlus.com

Rrobaqepësia e parë e komunizmit dhe reklama e saj e veçantë (FOTO)

Kjo ishte pjesa më e rëndësishme e qytetit dhe vendi më i përzgjedhuri, para kalasë së qytetit.

Në vitin 1960 një rrobaqepësi ishte gjithçka pasi rroba të gatshme kishte pak, thuajse aspak. Një grup mjeshtresh të prerjes së qepjes së veshjeve ka dalë në një fotografi duke na dhënë një imazh të asaj kohe, ku parullat e Enverit duken në sfond. ADE ka publikuar fotografinë e siguruar nga familja Trëndafili në Elbasan ku nga e majta janë: 1. Daut Duhanxhiu 2. Josif Shuteriqi 3. Kostandin Miraku (çirak) 4. Ilia Trendafili 5. Agron Tafa.

Nëse shikon me vëmendje fotografinë vë re se në vitrina nuk ka reklama pa parulla të partisë komuniste në planet e 5-vjeçarit si dhe begatinë e 15 viteve diktaturë.

Kjo rrobaqepësi ndodhej në pazarin e Bezistanit i shembur pak vite më vonë.(Marrë nga Konica.al)./ KultPlus.com