Etiketë: Thriller

Top dhjetë albumet më të shitura të të gjitha kohërave

Posted on by Kult Plus

Në vendin e parë gjendet bendi Eagles me albumin “Their Greatest Hits (1971-1975)”, i cili është shitur 36 milionë kopje.

I dyti renditet këngëtari i ndjerë, Michael Jackson me “Thriller”, i cili u shti në 33 milionë kopje anembanë planetit tokë.

Në vendin e tretë sërish gjenden Eagles me 26 milionë kopje të shituara të albumit “Hotel California”.

Më poshtë gjeni renditjen e Top-10 albumeve më të shitura të të gjitha kohërave:

1. Eagles — “Their Greatest Hits (1971-1975)” – 36 milionë kopje

2. Michael Jackson — “Thriller”– 33 milionë kopje

3. Eagles — “Hotel California” – 26 milionë kopje

4. Billy Joel — “Greatest Hits Volume 1 & Volume 2” – 23 milionë kopje

5. Led Zeppelin — “Led Zeppelin IV”– 23 milionë kopje

6. Pink Floyd — “The Wall” – 23 milionë kopje

7. AC/DC — “Back In Black”– 22 milionë kopje

8. Garth Brooks — “Double Live”- 21 milionë kopje

9. Hootie & The Blowfish — “Cracked Rear View” – 21 milionë kopje

10. Fleetwood Mac — “Rumours” – 20 milionë kopje

/ KultPlus.com

“Thriller”, videoklipi më i mirë i 50 viteve të fundit

Posted on by KultPlus

“Thriller” i Michael Jackson është videoklipi më i mirë në 50 vitet e fundit. Çmimi u dha nga Imaginaction, festivali i parë kushtuar videoklipeve në nivel ndërkombëtar nga një juri e përbërë nga gazetarë të rëndësishëm italianë në këtë sektor, diskografë dhe punonjës të tjerë.

I dalë në 1983, “Thriller” është konsideruar video e parë muzikore, që ka një temë dhe koreografi, që e kanë bërë atë një ikonë të padiskutueshme të muzikës pop.

Videoja “Thriller” paraqitet si një film i shkurtër (një term që Michael Jackson preferoi mbi video) në ngjyrat horror, i pari në histori me një konotacion të fortë kinematografik. Në fakt, deri në atë kohë, videot që shoqëruan single-in ishin kolazhe të imazheve pa një temë të përcaktuar dhe një identitet të tyre.

Michael Jackson pa në kinema filmin “Un lupo mannaro americano a Londra” di John Landis dhe ra në dashuri, duke vendosur të përsëriste atmosferën e tmerrshme të filmit për të shoqëruar këngën e tij.

Pas shumë insistimeve nga ana e tij, kompania “Epic Records” pranoi të paguante gjysmë milion dollarë për të bërë videon. Filmi i shkurtër ka regjisor vetë Landis dhe në atë kohë e quajti si klipin muzikor më të shtrenjtë në histori.

Videoja “Thriller” doli të jetë një sukses i pashembullt: kënga shtyu albumin (e dalë vitin e kaluar) përsëri në krye të listave në të gjithë botën, duke trefishuar shitjet.

Edhe rrjeti i ri i MTV përfitonte: regjistroi për herë të parë dëgjime rekord dhe u detyrua të transmetonte videoklipin disa herë në ditë, për shkak të kërkesave të shumta të shikuesve./k.s/KultPlus.com

“Thriller” i Michael Jacksonit lansohet në 3D në festivalin e Venecias

Posted on by KultPlus

Videoklipi i këngës historike “Thriller” është realizuar ngase pop ylli Michael Jackson atëkohë dëshironte të shfaqej si përbindësh. Kështu bëri të ditur regjisori dhe drejtori i produksionit prapa këtij projekti, John Landis, në festivalin e filmit në Venecie.

Landis gjendet në qytetin italian për ta prezantuar versionin 3D të këtij videoklipi, i realizuar 35 vjet pas lansimit të versionit origjinal.

“Thriller nuk ishte ideja gjeniale e askujt dhe nuk ishte ndonjë plan brilant i biznesit. Ishte thjesht një videoklip i realizuar me kërkesë të Michaelit, i cili atëkohë dëshironte të dukej si përbindësh.

Gjithçka që ka pësuar pastaj, zanafillën e kishte aty, dhe përfundoi duke u shndërruar në një projekt tejet të suksesshëm, për çka unë u befasova tej mase,” tha Landis, para gazetarëve të pranishëm në Venecie.

I pyetur për takimin e tij të parë me Michaelin, fëmija yll i shndërruar në Mbret të Muzikës, i cili e pushtoi botën me vallëzimin e tij, por vdiq papritur në vitin 2008 në moshën 50 vjeçare, Landis tha se ai ishte shumë i hareshëm dhe paksa çapkën, por se ndihet me fat që shumë shpejt Jackson ishte shndërruar në mik të afërt të familjes së tij, transmeton Express në KTV.

Landis, një regjisor amerikan i filmit, skenarist dhe producent muzikor, e kishte pranuar menjëherë rastin për ta sjellë versionin 3D të videoklipit “Thriller”, ngase ka dashur që edhe publiku dhe fansat e Michaelit ta përjetojnë këtë video në mënyrën që mbreti i popit ka dashur. Ai poashtu shtoi se Jackson gjithmonë e ka pasur në plan të sjellë këtë projekt në ekran të madh.

“Zhgënjimi im i vetëm është për faktin se Michael nuk është këtu me ne sot për ta parë këtë projekt, ngase jam i sigurt se do ta pëlqente shumë,” tha ndër të tjera Landis. / KultPlus.com