Lulja që identifikon gruan shqiptare dhe mikëpritjen malësore (FOTO)

Zambaku është lulja e cila te ne është shumë e njohur me të cilën identifikohemi të gjithë shqiptarët, për të cilën janë kënduar edhe këng. Mirëpo, ndoshta dikush mund të mos e dijë se këto lulëzojnë në Bjeshkët e Nemuna dhe lidhet me heroizmin apo bukurinë e gruas shqiptare, shkruan KultPlus.

Ndërsa përmes një statusi në rrjetin social Facebook, gazetari Ilir Seci na përcjellë një mesazhë të bukur përmes imazheve të zambakeve të fotografuara së fundi:

“Ani hajde dalim njiherë në Tropojë
Era bahet zog lulja bahet mollë
Ku çel zambaku o i kuq si gjaku…”

– thotë kanga e Malsisë se Gjakoves, kange që evokon zambaket e rralle të Bjeshkëve të Nêmuna – zambaket e rrallë që edhe emnin e kanë shqip “Lilium albanicum”, (Albanian Lily), shqip “Zambaku Shqiptar” – lulja që asht ba simbol i eko-sistemit shqiptar, lulja endemike e Bjeshkëve tona, lulja që falë botanisteve austriake mberriti me pushtue kopshtet botanike anembane planetit…
– Zambaku Shqiptar i Alpeve lulja që ka buzëqeshjen e gjane sa vetë mikpritja malësore, lulja që asht nji gosti për sytë e çdo bjeshkatari që ka fatin me e adhurue…
(Këto foto jane marrë në Bjeshket e Malsise se Gjakoves, bash pardje (24 qershor) ngaBledar Jubani.)/KultPlus.com

‘O zambak lule n’parajsë’ fitoi çmimin e parë të ‘Zambakut të Prizrenit’

“O zambak lule n’parajsë” është fituese e edicionit të 29-të të festivalit “Zambaku i Prizrenit”, i cili u mbyll mbrëmë.

Në kinemanë Lumbardhi në Prizren, të dielën në mbrëmje u mbajt edicioni i 29-të i këngës së vjetër qytetare “Zambaku i Prizrenit”.

Në edicionin e 29-të u paraqitën 15 këngë, të cilat garuan për çmimet tradicionale të festivalit.

Juria profesionale në këtë përbërje: Kriste Lekaj ( kompozitor), Butrint Bicurri (kompozitor), Kreshnik Aliçkaj (kompozitor), dhe Osman Goranci (publicist), vendosi që çmimin e parë t’ia ndajë këngës “O zambak lule n’ parajsë” me tekst të Hivzi Krasniqit, kompozuar dhe orkestruar nga Tomor Berisha, e kënduar nga Majlinda Cikaqi dhe Kushtrim Kelani.

Çmimin e dytë e fitoi kënga “Ugurlar olsun” me tekst të autorit Shahin Çangae, kompozuar nga Hysein Kazaz, orkestruar nga Edon Ramadani e kënduar nga Tolga Kazaz.

Çmimin e tretë e ftoi kënga “Elegji për dashuri” e Artan Bakisë, i cili e ka bërë tekstin, kompozimin, orkestrimin dhe e këndoi.

Çmimin “Zambaku i argjendtë” si çmim i publikut e fitoi kënga “Balada X” me tekst të autorit Lebit Murtishi me kompozim dhe orkestrim të Besim Berishës e kënduar nga Andi Qerreti dhe Vanesa Kastrati.

Për interpretim më të mirë u vlerësua këngëtari Ilsi Ademi.

Teksti më i mirë u vlerësua teksti i këngës “Violine e vjetër” i autorit Agron Kalludra./ KultPlus.com