FemArt hapë thirrjen për edicionin e gjashtë

12 Shkurt, 2018 - 11:22 am

FemArt 6 – Festivali i Artisteve dhe Aktivisteve, zyrtarisht ka hapur thirrjen për aplikimin e pjesëmarrëseve për edicionin e 6-të.

Thirrja është e hapur nga data 06 shkurt deri më 30 mars 2018, ndërkaq me qindra artiste dhe aktiviste nga Kosova, rajoni dhe mbarë bota kanë aplikuar për të qenë pjesëmarrëse.

Festivali FEMART është festivali i parë dhe i vetëm feminist në Kosovë, njëherësh edhe më i madhi në rajonin e Ballkanit që për katër vite radhazi ka bashkuar artiste dhe aktiviste nga mbarë bota në zemrën e Kosovës.

Qendra për Art dhe Komunitet – Artopolis, këtë vit organizon për herë të 6-të Festivalin FEMART duke filluar nga data 25-30 Maj, 2018 në qytetin e Prishtinës.

Festivali FEMART çdo vit angazhon mbi qindra artiste dhe aktiviste të cilët prezantojnë punën e tyre kreative përmes: Shfaqjeve Teatrale, Film Dokumentar, Filmit të Shkurtër, Leximeve skenike, Artit Vizual, Ekspozitave, Performancave, Koncerteve, Promovime Librash, Ligjëratave, Punëtorive, Paneleve të Diskutimeve dhe Prezantime të ndryshme në formë të artit.

Edhe këtë vit, me plot befasi, FemArt do ta bëjë javën e fundit të majit të paharrueshëm për artdashësit.

Ndërkaq thirrjen e plotë në gjuhën shqipe gjeni të bashkangjitur më poshtë:

THIRRJE PËR APLIKIM FEMART 6 / RUN THE SHOË FESTIVALI I ARTISTEVE DHE AKTIVISTEVE 25-30 MAJ 2018, PRISHTINË, KOSOVË FEMART është festivali i parë dhe i vetëm feminist në Kosovë, njëherësh më i madhi në rajonin e Ballkanit që për pesë vite ka bashkuar artiste dhe aktiviste nga mbarë bota në zemrën e Kosovës. Si çdo herë tjetër, edhe këtë vit, Artpolis – Qendra për Art dhe Komunitet, organizon për herë të 6-të Festivalin FEMART nga 25-30 Maj 2017 (6 ditë) në qytetin e Prishtinës. FEMART çdo vit angazhon qindra artiste dhe aktiviste nga mbarë bota të cilat shfaqin angazhimet e tyre kreative përmes: Shfaqjeve Teatrale, Filmit, Film Dokumentar, Film të Shkurtër, Leximeve Skenike, Artit Vizual, Ekspozitave, Performancave, Koncerteve, Promovime Librash, Ligjëratave, Punëtorive, Paneleve të Diskutimeve dhe Prezantime të ndryshme në formë të artit. Festivali është një platformë për fillimin dhe paraqitjen e ideve dhe krijimeve që sjellin përpara konceptet feministe dhe zhvillimet e tyre në Kosovë duke u angazhuar për të drejtat e barabarta të grave si dhe urë lidhëse për ndërtimin e paqes në rajon. Programi do të përzgjidhet nga një grup i artisteve dhe aktivisteve profesionale të cilat kanë përvojë në fusha të ndryshme të artit dhe në njohjen e të drejtave të njeriut. Nëse jeni të interesuara që të prezantoni punën tuaj artistike në ndonjërën nga disiplinat e lartëpërmendura, ju inkurajojmë të APLIKONI! Aplikimet të dërgohen në [email protected] Aplikimi është i hapur nga data 06 Shkurt – 30 Mars 2018. Njoftim paraprak: Vetëm kandidatet e pranuara do të kontaktohen! Më shumë informacione mbi festivalin klikoni në vegzën: http://femart-ks.com/

Na gjeni edhe në Facebook: https://www.facebook.com/FemartPrishtina/

Forma e aplikimit:
https://docs.google.com/forms/d/1CNwLudJXJOEfvmnQkkRSt4HC4ezWaq_FmXq2EdiTSf0/edit

Të fundit

Të ngjajshme