Festivali Mbarëkombëtar i Komedisë “Koko Fest”, përfundoi edicionin e pestë me ndarjen e çmimeve për më të mirët, shkruan KultPlus.

Në këtë edicion të këtij festivali çmimi për regjinë më të mirë e mori regjisori Ilir Bokshi me shfaqjen “Hollyshit” ndërsa çmimi i aktorit më të mirë iu nda aktorëve të kësaj shfaqje Adrian Morina dhe Ylber Bardhi.

Shfaqja është produksion i Teatrit “AAB Faruk Begolli” nga Prishtina.

Ky edicion që u mbajt në data 1 deri më 8 shtator shndërroi Korçën në një qytet festiv dhe argëtues për qytetarët dhe turistët që vizitojnë qytetin e serenatave./ KultPlus.com