Një shfaqje magjie, ekskluzivisht nga Las Vegas, po vjen në Tiranë. RedCloud me mbështetjen e Bashkisë Tiranë do të sjellin për 3 netë radhazi një botë utopike iluzionesh dhe magjie, në shfaqjen “Las Vegas Magic Festival” e cila do të mbahet në Pallatin e Kongreseve në datat 5, 6 dhe 7 prill.

Gjashtë prej alkimistëve më të talentuar të kohëve moderne do të vijnë ekskluzivisht për të dhuruar momente magjie, humor dhe emocione të papërshkrueshme.

Shfaqja e datës 5 prill do të paraprihet nga një takim i iluzionistëve me famë botërore me mediet, në Pallatin e Kongreseve, ku ata do të ndajnë disa performanca.

Kjo është hera e parë që “Las Vegas Magic Festival” përfshin Tiranën në turin e tij europian, një shfaqje për të gjithë familjen, e sidomos për fëmijët që do të mahniten me kufijtë e mitikes, artit, iluzionit dhe realitetit si dhe sfidimin e çdo ligji fizike. / atsh / KultPlus.com