Ministri i Kulturës, Hajrulla Çeku, ka njoftuar se nxënësit përmes argëtimit, po njoftohen për së afërmi me artin e kinemasë, shkruan KultPlus.

“Programi “Arti në Shkolla” nisi edhe në Pejë. Në Kinemanë “Jusuf Gërvalla” rreth 200 nxënës shikuan katër filma të animuar të metrazhit të shkurtër”, thuhet në postimin e Çekut mes tjerash.

Sipas tij, ky program shtetëror që sukseshëm po zbatohet në Prishtinë, Gjilan, Mitrovicë dhe Pejë, është tregues i përkushtimit të Qeverisë për edukimin e të rinjve në fushën e artit dhe identifikimin e talentëve të rinj. /KultPlus.com