Teatri Kombëtar i Kosovës ka mbajtur një punëtori katër-ditore me 40 pjesëmarrës të moshave të ndryshme, përcjell KultPlus.

Puna në këtë punëtori është fokusuar te dënimi që Don Kishoti i bën “barutit”.

Në vijim KultPlus ua sjell postimin e plotë të Teatrit Kombëtar të Kosovës:

Në Teatrin Kombëtar të Kosovës është mbajtur punëtoria katërditore me 40 pjesëmarrës të moshave të ndryshme.

Partnerët tanë nga Teatro delle Albe, Ravena Itali, përfaqësuar nga aktorja italiane Ermanna Montanari, regjisori Marco Martinelli dhe Alessandro Argnnani, janë ftuar nga Teatri Kombëtar i Kosovës për të ndarë përvojën e tyre teatrore dhe për të përgatitur një grup që do të marrë pjesë në fazen e dytë të “Don Kishoti” që do të realizohet në Festivalin e Ravenës në qershorin e këtij viti.

Puna është fokusuar te dënimi që Don Kishoti i bën “barutit”. Është punuar me mjaft kujdes nga Marco, Ermanna dhe Alessandro Argnnani me këngë, lëvizje skenike, zëra dhe ëndrra.

Për realizimin e këtij projekti falenderojmë Drejtorinë për Mirëqenie Sociale dhe Drejtorinë për Arsim në Komunën e Prishtinës për partneritetin dhe përkushtimin./KultPlus.com