займ на карту онлайн потребительский кредит

TKK reagon për keqpërdorimin e veprës artistike “Si ta vrasim Presidentin”

25 Shtator, 2018 - 3:14 pm

Dje nëpër disa media ka qarkulluar lajmi se shfaqja “Si ta vrasim Presidentin”, po kthehet në skenën e teatrit, pikërisht ditën e qytetarët do të protestojnë kundër presidentit, Hashim Thaçi, shkruan KultPlus.

Lidhur me këtë lajm dhe tematikën e shfaqjes, ka reaguar Teatri Kombëtari Kosovës i cili me anë të një komunikatë ka shprehur shqetësimet për keqpërdorimin që i është bërë emrit të TKK-së dhe veprës artistike “Si ta vrasim Presidentin”, duke shtuar se TKK nuk merret me asnjë agjendë apo përplasje politike. Tutje TKK ka sqaruar se shfaqja me emërtimin “Si ta vrasim Presidentin” ka si temë zhvillimet globale.

Më poshtë ju sjellim reagimin e plotë të Teatrit Kombëtar të Kosovës.

Teatri Kombëtar i Kosovës (TKK) shprehë shqetësimin për keqpërdorimin që i është bërë emrit të TKK-së dhe veprës artistike “Si ta vrasim Presidentin”. Një veprim i tillë, është thellësisht i pamoralshëm dhe shprehë një mos respekt flagrant për artin, për teatrin si koncept dhe keqpërdorim vlerës artistike e kulturore qe cilado parti politike, e bashkë me to edhe media të kurdisura janë kanë bërë në raportimet dhe publikimet e tyre. TKK nuk ka të drejtë dhe rrjedhmisht nuk merret me asnjë agjendë apo përplasje politike sepse nuk ka as mision as vizion dhe as qellim të bëjë një gjë të tillë. Në këtë drejtim ne kërkojmë nga partitë politike dhe kushdo tjetër, të respektojnë autoritetin e Tetatrit qoftë si institucion, qoftë si vlerë supreme e shprehjes artistike dhe kulturore në çdo vend të qytetëruar.

E ndjejmë obligim të sqarojmë se shfaqja e emërtuar në atë mënyrë siç i është ndërruar koncepti dhe qëllimi, ka si teme zhvillimet globale. Shfaqja ka të beje me përceptimet për fuqitë e mëdha botërore siç është Amerika, Rusia, nga vendet e vogla në zhvillim dhe në këto raste, vendet e vogla akuzojnë presidentin Amerikan dhe Amerikën në përgjithësi për çfarë ndodhë në ato vende. Në shfaqje flitet për Presidentin Amerikan, ndikimet gjeopolitike dhe ngjarja ndodhe diku në Evropë. TKK shprehë keqardhje publikut dhe njëkohësisht i fton edhe partitë politike edhe gazetarët që energjinë e tyre për të keqpërdorur TKK, ta riorientojnë në drejtim tjetër: atë të ndjekjes së shfaqajeve të TKK-së./ KultPlus.com

Të ngjajshme