займ на карту онлайн потребительский кредит

Auron Tare në krye të Këshillit Shkencor të Pasurive Botërore Nënujore në UNESCO

25 Prill, 2018 - 2:47 pm

Për herë të parë, kryetari i Këshillit Shkencor dhe Teknik të Pasurive Botërore Nënujore në Unesco do të drejtohet nga një shqiptar, raporton Agjensia Telegrafike Shqiptare (ATSH).

Drejtori i Agjencisë Kombëtare të Bregdetit është zgjedhur për të drejtuar për 4 vite këtë organizëm të rëndësishëm në UNESCO.

Vendimi u mor në Selinë e UNESCO-s në Paris, në sesionin e rradhës së vendeve anëtare të Konventës së 2001 mbi Pasurinë Kulturore Nënujore Botërore, ku u zhvillua mbledhja e Këshillit Shkencor dhe teknik të kësaj Konvente.

Me propozimin e përfaqësuesit të Argjentinës, mbështetur nga Franca dhe Meksika, Këshilli Shkencor dhe Teknik i Pasurive Botërore Nënujore të UNESCO-s votoi Auron Tare si Kryetar të këtij organizmi të rëndësishëm. Votimi ishte unanim, pa asnjë votë kundër, në prani edhe të Sekretariatit të UNESCO si dhe të dhe Drejtores së Përgjithshme të Pasurive Botërore të UNESCOS-s.

“Ky vlerësim i lartë i dedikohet të gjithë atyre ekspertëve apo dashamirësve në Shqipëri, që luftojnë për mbrojtjen e trashëgimisë kulturore”, është shprehur Auron Tare./ KultPlus.com

Të ngjajshme