Monumenti Mejtepe Ryzhdije në Gjakovë së shpejti do të rifunksionalizohet

15 Gusht, 2017 - 8:15 pm

Agjencia Turke për Bashkëpunim dhe Koordinim përmes një njoftimi për medie bënë me dije se ka filluar ri-funksionalizimi e ri-ndërtimi i mejtepit të Ryzhdijes në Gjakovë, monument ky i Trashëgimisë kulturore të Kosovës.

Agjencia Turke për Bashkëpunim dhe Koordinim (TIKA) e cila vazhdon të mbështet trashëgiminë kulturore të përbashkët në Kosovë, do të investojë në restaurimin e mejtepit të Ryzhdijes në Gjakovë që është ndërtuar në periudhën Osmane.

Pas takimeve të zhvilluara në vitin 2014 në mes të kryetares së Komunës së Gjakovës Mimoza Kusari Lila dhe përfaqësuesve të Agjencisë Turke për Bashkëpunim dhe Koordinim (TIKA) ndër të tjera është diskutuar edhe për restaurimin e Mejtepit Ryzhdijes, një objekt i trashëgimisë kulturore në Gjakovë. Në kërkesën e parashtruar nga ana e znj. Lila është theksuar rëndësia e mejtepit të Ryzhdijes për Komunën e Gjakovës duke shpresuar që me funksionalizimin e objektit si qendër e artit do tu mundësohet talentëve të rinj ta shfaqin dhe zhvillojnë atë në një ambient më të mirë dhe më të sigurt.

Objekti i mejtepit Ryzhdije e cila gjendet në një pozitë lidhëse në mes të qytetit të ri dhe atij të vejturit, vetëm njëra nga objektet e cila paraqet shembullin e trashëgimisë së përbashkët kulturore të Kosovës dhe Turqisë në këtë qytet. Falë investimit të TIKA-së përsëri do të dëgjohen zëra të nxënësve në mejtepe Ryzhdijen nga e cila kanë dalë shumë gjenerata. Tenderi për përgatitjen dhe hartimin e projekteve për restaurimin e mejtepe Ruzhdijes në të cilat do të zhvillohen punimet për ri funksionalizimin e saj është realizuar nga ana e TIKA-së.

Sipas Salnames(vjetarit) së vitit 1896 të Vilajetit të Kosovës, objekti i mejtepe Ryzhdijes dy katëshe e cila gjendet në Gjakovë, e ndërtuar nga shteti Osman, është ndërtuar me stilin ampir (stili perandorak). Në Ryzhdijen e cila është në formë katërkëndëshi gjenden 9 dhoma, është e suvatuar në fasadat e jashtme dhe ka një kulm të ri. Hartimi i projekteve për restaurimin e objektit të mejtepe Ryzhdijes, e cila do të restaurohet në formën e vetë origjinale priten të përfundojnë brenda këtij viti ndërsa punimet e restaurimit planifikohen të fillojnë brenda vitit të ardhshëm, thuhet në njoftim.

Të ngjajshme