Rozafa Shpuza

Rrugës për atje pash’ lulkuqe
tue iu përulë prajshëm diellit
e korba tue krrokatë për dashni t’ngurosuna
n’shajni shtojzovallesh…
pash’ gërshetë rrëkesh teksa theqafen n’liqenin e ngjizun ndër mitra vatrash me oxhakë të shuem
pash’ konakë t’ri ku ferishtet pagëzohen me emna t’dheut amë
e ninullat kendohen me lahuta katragjyshash.
Atje muzgjet sperkasin dritaret
me ylbere ardhmenish
e n’ag mjegullat shtrohen ngeshëm 
si me dashte me qetue gjamat e te zhdukunve.
Rruga per atje
ka gjithqysh dy stacione
ku pushojne kambet e ylberit
qe shfaqet mirfilli pas çdo shterngate…/KultPlus.com