Nominimet për çmimet ‘Emmy 2022’

13 Korrik, 2022 - 4:36 pm

Në Los Angeles janë bërë të ditura nominimet për çmimet “Emmy Awards 2022”.

Seriali dramë komedi e zezë “Succession” u nominua për më së shumti çmime Emmy në ceremoninë e nominimeve që u bënë të ditura në Los Angeles. Ai u nominua për 25 sosh.

Por, kjo dramë satirike që paraqet të pasur dhe të pamëshirshëm, ka një rival në këtë garë. Fjala është për serialin “Squid Game” , që është seriali i parë në gjuhën jo angleze në garën për çmimin kryesor.

“Squid Games” u nominua për dramën më të mirë dhe për 13 çmime të tjera.

Seriali “Succession” edhe në Emmy-s 2020 u nderua në kategorinë për dramën më të mirë dhe tetë çmime të tjera.

Në mesin e të nominuarve të tjerë në këtë kategori janë edhe: “Better Call Saul”, “Euphoria”, “Ozark”, “Severance”, “Stranger Things” dhe “Yellowjackets”.

Në kategorinë për serialin më të mirë komedi janë: “Abbott Elementary”, “Barry”, “Curb Your Enthusiasm”, “Hacks”, “The Marvelous Mrs. Maisel”, “Only Murders in the Building”, “Ted Lasso” e “What We Do in the Shadows”.

Të nominuara si aktoret më të mira në komedi u vlerësuan: Rachel Brosnahan për paraqitje në “The Marvelous Mrs. Maisel”,  Quinta Brunson për paraqitje në “Abbott Elementary”, Kaley Cuoco e të tjera.

Në kategorinë për aktorin më të mirë në seri komedi janë: Donald Glover për paraqitje në “Atlanta”,  Bill Hader, Jason Sudeikis  për paraqitje në “Ted Lasso” e të tjerë.

Ceremonia e çmimeve Emmy më parë dominohej nga rrjete të transmetimit dhe shërbime kabllore, por me shtimin e shërbimeve online ka ndryshuar balancimi i tyre, e madje edhe vlerësimi i vetë çmimeve. Kur jemi te kjo, seriali “Squid Game” i Netflix arriti sukses falë tregut global.

Drama “The Crown”, e cila dominoi me çmime në Emmy 2021, këtë vit nuk u përfshi fare në garën për çmim.

Ceremonia e shpërblimeve me çmimet Emmy do të mbahet me 12 shtator 2022, ndërkaq do të transmetohet në NBC./21Media/ KultPlus.com

Të fundit

Të ngjajshme