Regjisori Visar Morina merr një tjetër çmim në Berlin

16 Shkurt, 2018 - 10:35 pm

Regjisori Visar Morina ka rrëmbyer një tjetër çmim.

Skenari “Exil” nga Morina ka fituar sonte çmimin LOLA në Gjermani.

Skenari “Exil” ishte në mesin e tre skenarëve që janë nominuar për çmimet gjermane të skenarit. Nominimet janë bërë të ditura nga Ministrja e Kulturës – Monika Grutters, ndërsa çmimi final u dha sonte në kuadër të BERLINALE.
Skenari bën fjalë për një burrë 45 vjeçar i cili punon në një firmë farmaceutike dhe në një moment e krijon ndjenjën që kolegët e tij po tentojnë ta largojnë nga puna. Filmi ka të bëjë shumë me “bullying” (ngacmimin), shkruan KultPlus.

Sonte, Morina shpërblehet edhe më një shumë të hollash ndërsa kësisoj e çon përpara skenarin e tij, drejt realizimit filmik.

Lexoni këtu më shumë rreth këtij projekti nga regjisori i filmit “Babai”, një film i njohur që rrëmbeu disa çmime në festivalet më kryesore të filmit në Evropë. / KultPlus.com

Të fundit

Të ngjajshme