Regjisori Sir Sam Mendes do të bëjë katër filma të veçantë për “The Beatles”, sipas BBC.

Sir Paul McCartney, Ringo Starr dhe familjet e John Lennon dhe George Harrison kanë dhënë leje dhe të drejtën e përdorimit të muzikës së tyre për të katër filmat.

Regjisori fitues i çmimit Oscar tha se ishte i nderuar që do të tregonte historinë e grupit më të madh rock të të gjitha kohërave.

Filmat, të realizuar nga “Sony Pictures” dhe Sir Sam’s Neal Street Productions do të dalin në kinema në vitin 2027.

Nuk është e qartë nëse të katër filmat do të dalin menjëherë apo do të kenë një dalje në faza të ndryshme, por Sony tha se ata do të kishin një “ritëm inovativ publikimi” i cili do të shpallej në një datë të mëvonshme.

Kjo është hera e parë që “Beatles” dhe kompania e tyre “Apple Corps kanë” japin të drejtën e plotë të historisë së jetës dhe muzikës për një film me skenar.

Sir Sam ka drejtuar më parë filma të tillë si “1917”, “American Beauty”, “Revolutionary Road”, “Empire of Light” and dy filmat e James Bond “Skyfall” dhe “Spectre”.

“The Beatles” konsiderohen gjerësisht grupi më i madh britanik i të gjitha kohërave falë një vargu albumesh klasike si “Rubber Soul”, “Revolver”, “Sgt. Pepper’s Lonely Hearts Club Band” dhe “Abbey Road”.

Hitet e tyre më të njohura përfshijnë “Yesterday”, “Hey Jude”, “A Hard Day’s Night”, “Eight Days A Week”, “Let It Be”, “Come Together”, “Here Comes The Sun”, “Twist and Shout”, “Love Me Do and Help!”.

Shumica e këngëve të tyre janë shkruar nga Lennon dhe McCartney. Thuhej shpesh se Harrison ishte ndjerë i frustruar që kompozimet e tij nuk u kushtuan peshë të barabartë nga shokët e tij të bandës.

Vitin e kaluar, “Beatles” publikuan “këngen e tyre të fundit” të titulluar “Now and Then”.

Kënga kryesoi në chart-in e Britanisë së Madhe në nëntor.

“Apple Corps” tha se katër filmat e rinj do të eksploronin historinë unike të secilit pjesëtar të “Beatles” duke i bashkuar ato në një mënyrë të përshtatshme, tërheqëse dhe inovative.

“Ne presim që kjo të jetë një përvojë unike emocionuese dhe epike kinematografike… Të kesh bekimin e “Beatles” dhe “Apple Corps” për ta bërë këtë është një privilegj i jashtëzakonshëm”, tha producentja Dame Pippa Harris.

“Beatles” nuk janë të huaj për ekranin. Ata luajtën në disa nga filmat e tyre në vitet 1960, nga komedia e çmendur e “A Hard Day’s Night” deri tek “Yellow Submarine”.

Pas ndarjes, ata frymëzuan dhjetëra filma me metrazh të gjatë, nga “Sgt Pepper’s Lonely Hearts Club Band”, një muzikal jashtëzakonisht i buku me aktorët e Bee Gees, deri te përralla prekëse e “I Wanna Hold Your Hand”.

Ky i fundit, vendos në skenë një grup adoleshentësh që përpiqen të hyjnë në performancën kryesore të Beatles në shfaqjen televizive të Ed Sullivan, që shënoi debutimin regjisorial të Robert Zemeckis me “Back To The Future”. Dhe ai nuk ishte i vetmi regjisor me emër të madh u josh nga katërshja fantastike./atsh / KultPlus.com