‘Zgjoi’ një hap larg nominimit për ‘Oscars’, Basholli: Po ndihem falënderuese sot për shumë arsye

29 Janar, 2022 - 2:29 pm

Anëtarët e jurisë së Akademisë së Filmit nga 27 janari kanë filluar votimet e tyre për nominimet e çmimeve ‘Oscars’ dhe do të vazhdojnë deri më 1 shkurt, përcjell KultPlus.

E në listën e ngushtë për nominimet për ‘Oscars’ është edhe filmi kosovar me regji të Blerta Bashollit ‘Zgjoi’.

Sot, regjisorja Basholli përmes një postimi në Facebook ka falënderuar të gjithë ata që po e mbështesin gjatë kësaj periudhe.

KultPlus ua sjell postimin e plotë:

  Po ndihem shumë falenderuese sot për shumë arsye:

1. Për fatin që kam pasë me taku një zonjë inspiruese si Fahrije Hoti dhe gjitha gratë e Krushës;

2. Për ekipin e mrekullueshëm të filmit Zgjoi, pa punën e bukur të të cilëve ky film nuk do të ishte aty ku është sot;

3. Për familjen time të dashtun;

4. Për krejt shqiptarët kudo që janë që na kanë mbështetë me zemër e nuk na kanë lënë vet;

Faleminderit e shumë dashni për krejt juve!/ KultPlus.com

Të fundit

Të ngjajshme