Era Istrefi drejt Xhamajkës për klipin e ri, merr me vete edhe këtë artist kosovar (VIDEO)

11 Qershor, 2018 - 10:06 pm

Këngëtarja Era Istrefi gjendet në mesin e një periudhe tejet intensive. Krahas këngës ‘Live it Up’, himni zyrtar i ‘Rusi 2018’, ajo sapo publikoi edhe hitin e ri, ‘Prisoner’.

Por, angazhimet e Erës nuk mbarojnë me kaq. Ajo me datë 18 do marrë rrugë nga Londra drejt Xhamajkës, atje ku do ta realizojë videoklipin e këngës më të re.

Me vete, Era do e marrë edhe artistin Astrit Ismaili me të cilin duket se ka rilidhur bashkëpunimin e nisur qysh prej projektit të parë ‘E dehur’. Kënga “E dehur”, është një ndër këngët më të mira të Era Istrefit, këngë kjo që pat bërë të reagojnë edhe mediet serbe, për shkak se kënga u pat xhiruar brenda objektit të papërfunduar të kishës ortodokse në Prishtinë, shkruan lapsi.al./KultPlus.com

Të fundit

Të ngjajshme