Regjisori Elton Gllava hap edicionin e dytë të festivalit “Albania, si Gira”, me filmin e tij “Albanian Cinema Paradiso”.
Mbrëmjen e djeshme filloi festivali i kinemasë shqiptare në Itali, i cili mbahet në Casa del Cinema në Romë.
Elton Gllava është fotograf dhe kineast shqiptar me banim në Romë. I larguar nga Shqipëria në vitin 1991 ai u diplomua nga Scuola Romana di Fotografia e Cinema në Itali dhe zhvillon projektet e tij me në fokus çështjet sociale dhe mjedisore në Itali dhe në vendlindjen e tij. Projekti më i fundit i Gllavës është realizuar në Bulqizë dhe u botua si libër në vitin 2019.
![](https://www.kultplus.com/wp-content/uploads/2020/09/Eha03NEXgAgB3Id.jpg)
Ky prezantim i kinematografisë shqiptare në Romë, i titulluar Albania, Si Gira – “Italia dhe italianët në kinematografinë shqiptare gjatë dhe pas komunizmit” është një projekt i shoqatës artistike Cultural Pro./ KultPlus.com
![](https://www.kultplus.com/wp-content/uploads/2020/09/aaaa.jpg)
![](https://www.kultplus.com/wp-content/uploads/2020/09/Eha01z4WoAEujrX.jpg)