Etiketë: Angelin Preljocaj

Një vepër e re e Angelin Preljocajt, në skenat franceze

Posted on by Kult Plus

Këto ditë vere, koreografi i shquar me origjinë shqiptare, Angelin Preljocaj, do të sjellë në skenë një nga krijimet e tij më të reja koreografike.

Vepra “Helikopter / Licht” është një balet që sfidon gravitetin përmes fuqisë së trupit, efekteve të dritës dhe muzikës bashkëkohore.
“Helikopter / Licht” është një përjetim vizual dhe fizik që eksploron kufijtë e perceptimit, në një vepër që lëviz mes errësirës së kohës sonë dhe shpresës për rilindje.

Koreografi Preljocaj do ta vërë në skenën e Théâtre de l’Archevêché, në Aix-en-Provence (France), në datat 30 dhe 31 korrik 2025.

Angelin Preljocaj pak kohë më parë u pranua zyrtarisht si anëtar i Akademisë së Arteve të Bukura të Francës. Ai ka lindur në Francë, më 19 janar 1957 dhe filloi të studionte baletin klasik përpara se t’i përkushtohej kërcimit bashkëkohor. Në dhjetor 1984 Preljocaj themeloi kompaninë e tij.

Që nga fillimet e tij, ai ka krijuar 61 vepra koreografike, duke filluar nga solo në formacione më të mëdha duke përfshirë Romeo & Juliet, Borëbardha, Liqeni i Mjellmave. Atij i pëlqen të alternojë balete të mirënjohur narrativë me pjesë më abstrakte./atsh/

Angelin Preljocaj, anëtar i Akademisë së Arteve të Bukura të Francës

Posted on by Kult Plus

Sot është një ditë e jashtëzakonshme për koreografin e famshëm me origjinë shqiptare, Angelin Preljocaj, i cili u pranua zyrtarisht si anëtar i Akademisë së Arteve të Bukura të Francës.

“Ky është gjithashtu një moment i madh krenarie edhe për Shqipërinë dhe për kulturën shqiptare”, shkruan Ministria për Evropën dhe Punët e Jashtme në rrjetet sociale.

Ceremonia speciale u zhvillua nën kupolën madhështore dhe historike të Institutit të Francës (Institut de France).

Fjalën e tij Angelin Preljocaj e nisi me një homazh për të gjithë ata balerinë që në më shumë se 40 vjet kanë dhënë kontribut me pasion dhe bënë historinë e kompanisë së tij dhe më tej përmendi një numër të madh bashkëpunëtorësh te të cilët ka gjetur mbështetje gjatë karrierës së tij të gjatë.

Angelin Preljocaj lindi në Francë, më 19 janar 1957 dhe filloi të studionte baletin klasik përpara se t’i përkushtohej kërcimit bashkëkohor, të cilin e studioi me Karin Waehner, Zena Rommett, Merce Cunningham dhe më vonë Viola Farber dhe Quentin Rouillier. Në dhjetor 1984 Preljocaj themeloi kompaninë e tij.

Që nga fillimet e tij, ai ka krijuar 61 vepra koreografike, duke filluar nga solo në formacione më të mëdha duke përfshirë Romeo & Juliet, Borëbardha, Liqeni i Mjellmave. Atij i pëlqen të alternojë balete të mëdhenj narrativë me pjesë më abstrakte si Empty Move, Still Life, Deleuze/Hendrix.

Angelin Preljocaj bashkëpunon rregullisht me artistë të tjerë në fusha të ndryshme si muzika, artet pamore, dizajni, vizatimi, letërsia dhe filmat e animuar.

Angelin Preljocaj ka marrë çmime të shumta dhe ka drejtuar disa filma të shkurtër dhe filma me koreografi të tij. Kompania që Preljocaj themeloi ka 30 kërcimtarë të përhershëm dhe performon mesatarisht 120 shfaqje në vit, në mbarë botën./atsh/KultPlus.com

‘Gravité’ nga shqiptari Angelin Preljocaj mahnitë audiencën në Francë

Posted on by KultPlus

Artisti dhe koreografi shqiptar me famë në Francë, Angelin Preljocaj, ka realizuar kësisoj premierën botërore të projektit të tij më të ri.

Në kuadër të edicionit të 18-të të Bienales së Vallëzimit në Lion të Francës, “Gravite” ka ardhur e formësuar nga dora e Preljocajt.

Baleti “Gravite” reflekton mbi raportin mes trupave dhe gravitetit, duke vënë në pikëpyetje fuqinë e trupit për lëvizje. Pas shfaqjes në Bienalen e Vallëzimit në Lion, baleti do të jetë nga data 3-6 tetor edhe në Grand Theatre de Provence, shkruan KultPlus.

Në skenë, 12 vallëtarë testojnë limitet me trupin e tyre.

“Këta vallëtarë duan të kërcejnë aq shumë saqë kemi krijuar ‘pika’ të reja të gravitetit. Është një përzierje mes vallëzimit bashkëkohor dhe klasik” tregon Preljocaj.

Preljocaj ka inskenuar edhe punë të tjera në Francë dhe gëzon famë në këtë shtet. Mes baleteve tjera janë edhe “Siddharta”, “Un funambule”, “The Rite of Spring”. / KultPlus.com

Buda: Preljocaj një koreograf botëror, Doli një muzikant simpatik

Posted on by KultPlus

Angelin Preljocaj konsiderohet si koreografi me i famshëm francez i këtij brezi. Premiera e Angelin Preljocajt vihej në të njëjtin plan me një koncert shumë të mediatizuar të violinistit Shkëlzen Doli. Por krahasimi i shfaqjes se baletit të 4 tetorit në Pallatin e Kongreseve në Tiranë, me atë të Shkëlzen Doli-t, po aty, i cili është një djalë simpatik, por veçse violinë e dytë nuk është i mundur! Angelini është një korograf që e ka ngritur artin e baletit botëror në një shkallë të re moderniteti dhe shpesh ka kombinuar shprehje të ndryshme artistike. Preljocaj është një zë tepër i veçantë në koreografinë botërore.

KLARA BUDA

Angelin Preljocaj është koreografi me i famshëm francez i këtij brezi. Në një koment, autorin e të cilit nuk po e citoj meqë është bërë në rreth miqsh, Premiera e Angelin Prelgocajt vihej në të njëjtin plan me një koncert shumë të mediatizuar të violinistit me origjinë shqiptare Shkëlzen Doli, duke kritikuar administratën për shumat 180.000 dhe 160.000 euro që ka paguar përkatësisht për to. Por krahasimi i shfaqjes se baletit të 4 tetorit në Pallatin e Kongreseve në Tiranë, me atë të Shkëlzen Doli-n, i cili është një djalë simpatik, por veçse violine ( më falni nuk e di në është violinë e dytë apo e tretë) në orkestrën prestigjioze të Vjenës nuk është i mundur! Angelini është një korograf që e ka ngritur artin e baletit botëror në një shkallë të re moderniteti dhe “fusioni” një lloj shkrirje ( në kuptimin shkrirje intelektuale) të disa shprehjeve të ndryshme artistike që ai kombinon janë tepër të veçantë në koreografinë botërore,shkruan Klarabudapost.

Kompania e tij, jep shfaqje në të gjithë boten- shpesh e kam gjetur me vështirësi biletën në Paris ku shfaqjet e tij lajmërohen plot shume muaj përpara – është me shume sakrificë që kompania e tij të vijë në Tiranë dhe në një sallë, gjysmë bosh, siç ishte mbrëmë pallati i Kongreseve. “Trait d’union” që u shfaq në pjesën e parë, (pjesa e dytë ishte premierë) është vlerësuar në mënyrë të shkëlqyer nga specialistë të fushës, dhe në artikuj të gazetave prestigjioze, në Francë e në mbarë botën. Trait d’union, quhet në frëngjisht shenja e mëpasshme (-) dhe ky titull sugjeron me fjalë të tjera, një urë lidhëse në mes Baletit dhe pikturës!

Është vlerësim që ai të japë një premierë në Tiranë!

Por ajo duhet të jetë e hapur për artdashësit, që do të thotë të lajmërohet në shtyp në kohë dhe të mos bllokohen afër 30 % e ndenjësve, por të ofrohet salla me kapacitetin e saj të plotë.
Angelinit, që disa e quajnë “Nureiev[1]”i shqiptar (krahasim që i flet botës shqiptare të vjetrës) më duhet të nënvizoj se konsiderohet si një nga koreografët më të rëndësishëm bashkëkohorë të cilët kombinojnë kërkime origjinale të formës duke bashkëpunuar ose shkrirë intelektualisht shumë forma të shprehjes artistike, si dhe në bashkëpunim me shumë artistë të tjerë bashkëkohorë dhe të vjetër nga të gjitha sferat e jetës, por pa devijuar krejtësisht nga tradita e baletit klasik./KultPlus.com