Artisti Orges Toce me koncert në Vjenë, i dedikohet komunitetit shqiptar

Orges Toce është një artist fantastik që tash e disa vite bën muzikë shqipe në Austri, shkruan KultPlus.

Para një muaji, Orges e ka promovuar CD-në e tij të titulluar “Peshk” në një prej vendeve më të mira në Vjenë.

Kësaj radhe, Orges vjen me një koncert dedikuar krejtësisht komunitetit shqiptar në Austri.

Sipas organizatorit Ermal Vejsa, 17 këngët që përfshihen në albumin “Peshk” janë unike.

Të gjitha të hyrat nga koncerti do të shkojnë për grupin Orges & the Ockus Rockus band!

Organizata KÂ, organizon këtë koncert me qëllimin e mirë për të përkrahur këtë bend fantastik. 

Koncerti mbahet më datë 15 shkurt, duke filluar nga ora 21:00 në COCO Bar në Vjenë. / KultPlus.com

https://www.facebook.com/events/2601159873330347/

http://www.porgy.at/?fbclid=IwAR2L5BHeTU0ad7eA6Qai_tddPa4zt0eMyXV2OKsDfOzf2Sxrdz9OCEx1n24

“Ballo Vjeneze”, vjen për herë të parë në Tiranë

Me rastin e Vitit Kulturor Shqipëri-Austri 2018, Ambasada e Austrisë në Tiranë dhe Advantage Austria, nën kujdesin e Bashkisë së qytetit të Vjenës dhe Bashkisë Tiranë, sjellin për herë të parë në Tiranë “Ballon Vjeneze”.

“Balloja Vjeneze” do të organizohet më 21 Prill 2018 në Pallatin e Kongreseve në Tiranë, duke sjellë eksperiencën mahnitëse të valsit vjenez, muzikës së mrekullueshme dhe performancat artistike nga personalitete të kulturës austriake dhe shqiptare.

Duket se kryebashkiaku Erion Veliaj ka nisur që tani përgatitjet, teksa në sheshin “Skënderbej” sëbashku me miq të Tiranës, nën kujdesin e Enada Hoxhës dhe të Gerd Vasos ka bërë prova.

“Duke bërë prova për Ballon Vjeneze në datë 21 prill”, shkruan Veliaj në Facebook, duke postuar një foto ku shfaqet duke vallëzuar me një vajzë të vogël.
Për “Ballon Vjeneze” do të vijë në Tiranë Mr. Uwe Theimer, drejtor i korit në Operën Shtetërore të Vjenës, ndërsa do të performojnë edhe Mexosopranoja e Teatrit të Operas dhe Baletit Vikena Kamenica dhe tenori i njohur Armaldo Kllogjeri. Nuk do të mungojnë as tingujt melodiozë të familjes Qerimi si dhe interpretimi i të rinjve të Shkollës së Baletit në Tiranë.