S’jam unë i duhuri, vogëlushe

Nga: Bob Dilan
Shqipëroi: Bujar Meholli

Largohu nga dritarja ime
me shpejtësinë që ta ka qejfi!
Unë s’jam ai që ti do, vogëlushe,
s’jam ai për të cilin ke nevojë.
Thua se je në kërkim të dikujt
që është i fortë çdoherë
dhe i dobët asnjëherë.
Që të ruan dhe të mbron
sa herë që ke të drejtë apo lajthit
dhe që ta hap secilën derë,
por nuk jam unë i duhuri
s’jam ai të cilin po e kërkon.

Largohu qetë nga parvazi, vogëlushe!
Zbrit dhe ecë ngadalë nëpër tokë,
ç’e do që s’jam i duhuri,
unë vetëm do të të zhgënjeja.
Thua se do dikë
që të premton se s’do të lërë kurrë
e për ty sytë do t’i mbyllë çdoherë
dhe zemrën me çelës do ta kyçë,
dikë që do të vdesë për ty,
madje do të bëjë më shumë se kaq.
E pra, unë s’jam i duhuri vogëlushe,
jo, jo, jo, s’jam i duhuri,
s’jam ai të cilin po e kërkon.

Shko dyndu prapë në errësirën e natës,
çdo gjë brenda prej guri është bërë.
Këtu nuk lëviz asgjë,
e megjithatë nuk jam krejtësisht i vetëm.
Thua se po kërkon dikë
që do të të ngritë sa herë rrëzohesh,
buqeta lulesh do të të jap çdoherë
dhe të vijë kurdo që ti ta thërrasësh,
pra një dashnor për jetën tënde
asgjë më shumë se kaq,
por unë s’jam i duhuri vogëlushe.
Jo, jo, jo, nuk jam ai që ti po kërkon.

1964 /KultPlus.com

Kantautori amerikan Bob Dilan sjell këngë të re, teksti rrëfen vrasjen e Presidentit Xhon Kenedi

Kantautori i famshëm amerikan Bob Dilan, ka befasuar këtë të enjte të gjithë fansat e shumtë anembanë botës, shkruan KultPlus.

Bob Dilan i cili për 5 dekada qëndroi në skenë duke shkruar qindra këngë që ndikuan tek shumë artistë të rinj, për këtë ndikim Dilan arriti që mes shumë çmimeve të rëndësishme, ta fitoi edhe çmimin “Nobel” për letërsi.

Këtë të enjte, Dilan lajmëroi fansat se ka lëshuar këngën e tij më të re. Ai nuk ka publikuar ndonjë këngë që nga viti 2012.

Bëhet fjalë për këngën “Murder most foul”, për të cilën ai nuk ka jep asnjë detaj se kur është incizuar.

“I përshëndes gjithë fansat e mi për mirënjohjen, mbështetjen dhe besnikërinë ndër vite” ka shkruar ai.

“Kjo këngë është e pa publikuar, është incizuar kohë më parë dhe mund të jetë interesante. Zoti qoftë me ju!”.

Teksti i këngës rrëfen vrasjen e Presidentit Xhon Kenedi, por zgjerohet në një udhëtim impresionist, elegant, që bëhet gjithnjë e më apokaliptik. Në këtë këngë shohim Dilanin e viteve të hershme, ku shohim atmosferën e viteve ’60, dhe stilin e Dilanit me referenca për Woodstock, Altamont, e gjithë muzikën e Amerikës së shekullit 20.

Kënga është e disponueshme në webfaqen e Bob Dilanit si dhe në kanalin e tij zyrtar në YouTube. /KultPlus.com

Murder Most Foul

Greetings to my fans and followers with gratitude for all your support and loyalty across the years. This is an unreleased song we recorded a while back that you might find interesting.Stay safe, stay observant and may God be with you.Bob Dylan

Gepostet von Bob Dylan am Donnerstag, 26. März 2020

“Ndonjëherë edhe djalli shfaqet si një njeri i paqes”

Thënie nga Bob Dilan

Dilan i cilësuar si këngëtari më i madh folk i shekullit të 20-të, me një karrierë mëse 45-vjeçare në publik, me më tepër se 40 albume muzikore, mijëra këngë të shkruara dhe disa libra poetik, poet me një vizion të jashtzakonshëm, shpesh i është shmangur kësaj pyetje.

Antikonformist i njohur në raport me materializmin industrialist të pop-kulturës amerikane, në vitin 1965 është përgjigjur shkarazi ” Mendoj më tepër rreth vetes se jam një këngëtar se sa valltar “. Për gati 20 vjet nuk ka dhënë asnjë intervistë. Argumentet janë edhe njëherë rihapur së fundi me daljen e librit “Vision of Sin” nga profesori i Universitetit të Oxford-it zoti Christopher Ricks i cili thotë se “Lirikat e shkruara nga Dylan, kanë hyrë në paktin e jetgjatësisë”.

Termi “literaturë” është veçse letërsi e përbërë prej sinteza të ngjeshura fjalësh. Pra tërheqja e vëmendjes prej këtyre fjalëve, jo në besimin e funksionit të fjalës si njësi e vetme, sepse natyrisht kadenca muzikore, zëri, stili, kanë rrolin e tyre, por pamja e fjalës së breftë në mënyrën më të pavarur nga të gjitha këto përbërës përbën argumentin e ngritur për dekada tashmë në pyetjen nëse është Bob Dylan zëri i “bum” gjeneratës e cila pa të a do kishte vallë zë.

Më poshtë disa nga thëniet e tij të njohura:
Dashuria është gjithcka, pa të nuk bëni dot
Sa rrugë duhet të bëjë njeriu para se të mund të quhet i tillë?
Kur s’ke asgjë, s’ke cfarë të humbësh
Nuk ke nevojë për meteorolog për të kuptuar nga cila anë fryn era /KultPlus.com