Brezovica mbulohet nga bora

Brezovica në mes të dimrit ndrit nga bardhësia e dëborës me linjat e varg-kodrave në ngjitje ku prekin qiellin në majat e bjeshkëve të Sharrit. Paqja mbizotëron në këtë pllajë që tashmë është mbuluar nga bardhësia, duke e bërë hyjneshë në fronin e dëborës.

Me një peizazh hyjnor, gjithë dritë e bardhësi, ujëra që rrjedhin nga malet, bimësi të larmishme, përrenj dhe shtigje alpine, Brezovica është ndër më të bukurat jo vetëm në Kosovë por në të gjithë Ballkanin.

Brezovica është një nga destinacionet më të preferuara për apasionantët e turizmit dimëror, por jo vetëm. Edhe në verë natyra e Parkut Kombëtar të Sharrit është ndjellëse për adhuruesit e natyrës, sepse bora qëndron dhe në këtë stinë.

Mëngjesi i sotëm zbardhi disa pjesë të vendit në lartësi më të larta mbidetare. Brezovica tashmë është mbuluar nga bora. Po ashtu, borë ra edhe në Brod të Dragashit.

Edhe “Prishtina Weather” ka publikuar dy fotografi nga kamerat e vendosura në Brod dhe Brezovicë, e ku shihet se në mëngjesin e sotëm kanë rënë shtresat e para të borës. / KultPlus.com

Pas 22 vjetësh, Kosova fillon menaxhimin e Brezovicës

Bëhet e ditur se më 13 janar 2022 Bordi i Drejtorëve i AKP-së emëroi Bordin e ri të Përkohshëm Menaxhues për NSH Inex Sharr Planina Brezovicë, Shtërpcë, në përbërje të gjashtë anëtarëve. Kjo ndërmarrje me vendim të Bordit të Drejtorëve të AKP-së ishte vendosur më parë nën administrim direkt të AKP-së më 22 dhjetor 2020.

Ndërkohë, më 14 janar 2022 menaxhmenti i AKP-së mbajti një mbledhje përmbajtjesore me Bordin e Përkohshëm të Drejtorëve të NSH Inex Sharr Planina Brezovicë.

Në këtë mbledhje është biseduar për mbarëvajtjen e punëve në Brezovicë dhe është biseduar gjerësisht për obligimet e Bordit të Brezovicës për t’i përmbushur detyrat e tyre ligjore për funksionimin e tërësishëm të Brezovicës në bazë të ligjeve të Kosovës, duke përfshirë: Instalimin e arkave fiskale; Raportimin financiar e operativ në AKP; Deklarimin e rregullt të tatimeve te ATK si dhe zbatimin e ligjeve të Kosovës.

Po ashtu, në takim u pajtua që të fillohet sa më shpejt sezoni i skijimit, të mbahet bashkëpunimi i mirëfilltë dhe të vazhdohet me aktivitetet e ndërmarrjes, me ç‘rast i gjithë operimi i ndërmarrjes do të bëhet sipas infrastrukturës ligjore të Kosovës.

Të gjithë anëtarët e Bordit të Brezovicës siguruan për bashkëpunimin e tyre, punën e mirë dhe respektimin e udhëzimeve të AKP-së dhe dispozitave ligjore të ligjeve të Kosovës.

“Publiku njoftohet se skiliftat janë lëshuar në operim në mëngjes më 16 janar 2022 dhe se do të vazhdojë operimi i rregullt i Brezovicës. Publiku ftohet që për çdo shërbim që pranon në këtë ndërmarrje të kërkojnë kuponin fiskal”, thuhet në njoftim./ KultPlus.com

Brezovica mbulohet nga bora

Temperaturat kanë filluar të bien dhe bora e parë është shfaqur në disa prej vendeve të Kosovës, shkruan KultPlus.

Teksa Instituti Hidrometeorologjik i Kosovës njofton se mbi vendin tonë sot do të mbajë mot i ndryshueshëm, i vranët dhe me intervale me diell, vendet malore si Brezovica kanë marrë një pamje tjetër, duke u mbuluar nga bardhësia e borës

Sipas këtij Instituti temperaturat minimale do të lëvizin ndërmjet -2 deri 2 gradë Celsius, ndërsa maksimalet e ditës parashihen të lëvizin ndërmjet 4-6 gradë Celsius. Do të fryjë erë nga veriu me shpejtësi 1-6m/s. / KultPlus.com

Bukuritë përrallore të Brezovicës (VIDEO)

Brezovica vazhdon të mbetet ndër të preferuarat e turistëve të huaj. Konsiderohet si ndër vendet me një bukuri përrallore, sidomos gjatë stinës së dimrit, shkruan KultPlus.

Sot, presidenti i Kosovës Hashim Thaçi, ka publikuar një video ku shpalosen bukuritë e këtij vendi. Thaçi ka shkruar se Brezovica është e mrekullueshme edhe e pambuluar me borë. / KultPlus.com

https://www.facebook.com/watch/?v=356955338979504

Amerikanët ia kanë vënë syrin Brezovicës

Është bërë e ditur se zyrtarët amerikanë janë të interesuar për të investuar në resortin turistik, në Brezovicë dhe se Qeveria e Kosovës dhe Oda Ekonomike e shohin një mundësi të mirë për ta ringjallur qendrën e skijimit.

Zyrtarë të Qeverisë së Kosovës, duke mos dashur të japin detaje, konfirmojnë për Radion Evropa e Lirë se një mundësi e tillë ka gjasa të ndodhë pas nënshkrimit të marrëveshjes ekonomike në Uashington me datë 4 shtator.

Po ashtu, duhet theksuar se detaje për investime të mundshme janë diskutuar ditën e hënë kur një delegacion amerikan i prirë nga i dërguari i posaçëm për negociatat ndërmjet Kosovës dhe Serbisë, Richard Grenell, vizitoi Kosovën.

I pari që përmendi interesimin amerikan ishte kryeshefi ekzekutiv i Korporatës Ndërkombëtare të Financave dhe Zhvillimit në SHBA, Adam Boehler, pas takimit që pati me kryeministrin e Kosovës, Avdullah Hoti.

Delegacioni amerikan qëndroi në Kosovë dhe Serbi vetëm pak ditë pas nënshkrimit të marrëveshjes për normalizim ekonomik.

“Projekti i kaluar ka qenë 450 milionë euro dhe është vështirë të financohet një projekt i tillë. Ka qenë besoj i ekzagjeruar. Qeveria e Kosovës duhet ta ndajë në disa faza projektin. Ta shoh mundësinë se ku mundet të investojë qeveria, ku mundet DFC-ja [Korporata Financiare Ndërkombëtare për Zhvillim] dhe pastaj ku mund të investojë edhe sektori privat, sepse nuk ka nevojë të jetë komplet me një investitor të vetëm”, thotë Rukiqi.

Njëjtë si për projektet e tjera, as për projektin e Brezovicës nuk është përcaktuar struktura financiare përmes së cilës pritet që të jetësohet ky projekt.

Përfshirja amerikane, garanci për jetësim të projektit

Që nga përfundimi i luftës, Brezovica ka qenë një problem politik mes Kosovës dhe Serbisë.

Ashtu sikur edhe për pasuritë tjera në Kosovë, shteti i Serbisë, vazhdon të ketë pretendime mbi pronësinë e kompleksit turistik në Brezovicë vend ky që ndodhet në komunën e Shtërpcës me popullatë kryesisht serbe.

Por, përveç problemeve politike, Qeveria e Kosovës dështoi që ta trajtojë Brezovicën edhe në aspektin ekonomik.

Konsorciumi francez “MDP Consulting –Compagnie des Alpes” u shpall fitues për privatizimin e qendrës turistike në Brezovicë në vitin 2014, me një çmim prej 409 milionë euro, nga të cilat 165 milionë pritej të investoheshin gjatë tre vjetëve të parë, si dhe ishte premtuar hapja e 4.000 vendeve të reja të punës.

Vetëm dy vjet më vonë, Ministria e Tregtisë dhe Industrisë, njoftoi se kishte dështuar privatizimi për shkak se konsorciumi i udhëhequr nga kompania franceze, kishte dështuar që t’i përmbushte obligimet financiare.

Eksperti i ekonomisë, Safet Gërxhaliu, beson se është krijuar një momentum që duhet shfrytëzuar.

Zotimi i SHBA-së për të ndihmuar në jetësimin e projektit të Brezovicës sipas Gërxhaliut, zgjidhë problemet e kamotshme.

“Amerikanët kanë targetuar disa pika të nxehta, qoftë me Ujmanin qoftë me Brezovicën, dhe dua të besoj që një qasje e tillë do të rezultojë me gjenerimin e efekteve pozitive në Brezovicë pasi që është vërtet një resor me rëndësi ekonomike. Brezovica e ka një specifikë më vete që ka edhe multi-etnicitet, pra e ka edhe rëndësinë politike dhe dua të besoj se gatishmëria amerikane që të investojë në këtë drejtim, do të japë rezultate”, thotë Gërxhaliu.

Investimet në Brezovicë rrisin turizmin ndërkombëtar

Mungesa e investimeve në qendrën e skijimit në Brezovicë i ka shkaktuar miliona euro humbje Kosovës, thotë Baki Hoti, kryetar i Unionit të Turizmit në Kosovë.

“Asnjë qeveri deri tash nuk e ka pasur prioritet turizimin, pavarësisht se turizimi është një ndër faktorët kryesorë ekonomikë të vendit dhe një sektor, i cili punëson një numër tepër të madh të qytetarëve. Po të ishte e rregulluar pjesa e Brezovicës, mendoj se 99 për qind do të kishim vizitorë më shumë. Brezovica është vendi më i mirë në Ballkan, nëse do të ketë investime kuptohet”, thotë Hoti.

Ai thekson se komuniteti i turizimit në Kosovë ka kërkuar vazhdimisht nga institucionet e Kosovës që të investojnë në projekte që kanë një rëndësi të veçantë turistike siç është ai i qendrës së skijimit në Brezovicë.

Investimet e mundshme në Brezovicë, sipas Hotit, do të kthenin një numër të madh vizitorësh qoftë nga Ballkani, por edhe nga vendet e ndryshme të Evropës.

Çfarë është Brezovica sot?

Investimet më të mëdha në Brezovicë ndodhën në vitet ‘70, në kohën e ish-Jugosllavisë.

Në vitet pasuese u ndërtuan hotelet, teleferikët dhe objekte të tjera të rëndësishme për operimin e këtij lokacioni turistik.

Asnjë investim i madh në infrastrukturë nuk ka ndodhur për më shumë se tri dekada në këtë vend. Aktualisht, qendra e skijimit operon me kapacitete të kufizuara dhe me infrastrukturë të vjetruar.

Në 20 vjetët e parë të ndërtimit të saj, qendra e skijimit në Brezovicë ishte ndër më të vizituarat në rajon. / KultPlus.com

Brezovica, hyjnesha në fronin e dëborës

Brezovica në mes të dimrit ndrit nga bardhësia e dëborës me linjat e varg-kodrave në ngjitje ku prekin qiellin në majat e bjeshkëve të Sharrit. Paqja mbizotëron në këtë pllajë që tashmë është mbuluar nga bardhësia, duke e bërë hyjneshë në fronin e dëborës.

Me një peizazh hyjnor, gjithë dritë e bardhësi, ujëra që rrjedhin nga malet, bimësi të larmishme, përrenj dhe shtigje alpine, Brezovica është ndër më të bukurat jo vetëm në Kosovë por në të gjithë Ballkanin.

Brezovica është një nga destinacionet më të preferuara për apasionantët e turizmit dimëror, por jo vetëm. Edhe në verë natyra e Parkut Kombëtar të Sharrit është ndjellëse për adhuruesit e natyrës, sepse bora qëndron dhe në këtë stinë.

Ajo ndodhet në rajonin Ferizaj në Kosovë, i njohur si vend pushimin dimëror, shtrihet në një pllajë në Parkun Kombëtarë të Sharrit një nga bjeshkët më të bukura që ka rajoni.

Zona turistike e skive ndodhet në mënyrë ideale në shpatet e Parkut Kombëtar të Sharrit në veri dhe në veriperëndim.

Linja e kreshtës përfshin 39,000 hektarë terrene malore alpine dhe pyje, me një florë dhe faunë mjaft të larmishme dhe të bollshme.

Hapësira e qendrës së skive është rreth 2500 ha, në lartësinë mbidetare 1718-2522 m. Përbrenda kësaj hapësire janë shtigjet e skive me gjatësi mesatare rreth 4 km dhe me një lakueshmëri mesatare prej 38 %.

Në lartësinë mbidetare prej 1718 m, në Livadhin e Madh gjendet teleferiku më i ri. Stacioni i daljes nga ky teleferik është në lartësinë 2212 m mbi nivelin e detit.

Qendra e skive “Brezovica” është e hapur për adhuruesit e skive gjatë të gjitha stinëve të vitit, ku në verë, sipërfaqja e mbuluar me borë zvogëlohet por prapë lë mundësinë e shfrytëzimit.

Kjo qendër ka disa hotele të cilat ofrojnë shërbime cilësore të kategorive më të larta.

Vendpushimi vendor i skive u krijua në vitin 1954. E para nga pesë ashensorët e skive në u instalua në vitin 1979. Po ashtu, përmban 16 km shpatet e skive të vendosura në veri dhe në verilindje përballet me shpatet e Rezervatit Natyrornë Malet e Sharrit.

Linja e kreshtës përfshin 39,000 hektarë terrene malore alpine dhe pyje, me një florë dhe faunë mjaft të larmishme dhe të bollshme. /ata

Destinacionet më të bukura për pushimet dimërore – Brezovica nuk mungon

Dimri është më të vërtetë magjepsës në Ballkan – nga shtigjet malore në liqene të ngrira me mot të paparashikueshëm dhe destinacione komode.

Nga Sllovenia në Kosovë, këto janë destiancionet e jashtëzakonshme për t’i kaluar pushimet e dimrit, transmeton Klan Kosova.

Më poshtë vendet e zgjedhura nga magazina e udhëtimeve “Culture Trip”, Brezovica pa dyshim është pjesë e kësaj liste.


Liqeni i Bledit në Slloveni
massage-2717431_1920

Banja e Vrnjackës, Serbi


mountains-676609_1920

Koncheto Ridge, Bullgari


6714434869_50c9f8deb1_o

Poiana Brașov, Romani


6872839903_3854beb1ec_b

Ohrid, Maqedoni



Bjeshkët e Sharrit, Kosovë