Natasha Lako
Nuk më lë bora të shoh
Çatitë e kuqe dhe pemët e zhveshura,
Por ndjej si nën të
Lëviz pranvera.
Flokët e borës
Bien e shkrijnë në qepallat e mia,
Kaq lot të bukur,
Kaq lot të bardhë
Mund të pikojnë vetëm nga dashuria./KultPlus.com
Etiketë: Bora
Kur bora mbulonte Prishtinën në vitin 1981 (FOTO)
Ato që na bëjnë të ndjehemi nostlagjik për kohërat e mëhershme janë fotografitë, shkruan KultPlus.
Fotografitë janë dëshmi të periudhave të ndryshme kohore si dhe njëherit na ndihmojnë që të dallojmë ndryshimet e qyteteve.
Kjo vërehet edhe në kryeqytetin kosovar, në Prishtinë. Fotografia e cila ishte pjesë e një artikulli të një gazete të vjetër për dimrin e acartë e tregon këtë.
Kjo fotografi e qytetit pa lum është realizuar në vitin 1981./ KultPlus.com
Bie borë në Prishtinë (VIDEO)
Kryqyteti tashmë është zbardhur nga bora që ka rënë pasditen e sotme.
Faqja e motit, Prishtina Weather ka publikuar një video ku shihet se çatitë e shtëpive janë mbuluar me borë.
“12.12.2022, 15:55 – Në Prishtinë veç e ktheu në borë. Kulmet menjëherë filluan të mbulohen”, thuhet në njoftim. / KultPlus.com
Në mot të ftohtë, qytetarët e Turqisë presin në radhë për të blerë bukë (VIDEO)
Reshjet e vazhdueshme të borës në shtetin e Turqisë kanë ndikuar që shumë fluturime të pezullohen dhe rrjedhimisht edhe veturat private t’u ndalohet qarkullimi në qytet, shkruan KultPlus.
Për këtë gjë, radhë të gjata janë krijuar edhe për të blerë bukë në furrën më të lirë në Turqi, e cila shet bukën për vetëm 8-9 cent.
Istanbul Halk Ekmek, ose “Buka Publike”, shet një bagutë 250 g (8,8 oz) për 1,25 lira turke (0,09 dollarë), më lirë se në furrat e bukës aty pranë, ku çmimet fillojnë nga 2,50 lira (0,18 dollarë).
Në videon më poshtë shihen edhe radhët e gjata që janë krijuar për të blerë bukë në mot shumë të ftohtë. /KultPlus.com
Fshati në Rugovë mbulohet nga bora
Me uljen e temperaturave, në Kosovë kanë filluar edhe reshjet e borës.
Përderisa në ultësira po bie shi, në vendet malore kanë filluar edhe reshjet e borës. Një prej vendeve ku ka rënë borë është edhe fshati Drelaj i Rugovës Rugovës.
Reshje bore gjatë ditës së djeshme ka rënë edhe në pjesë të tjera të vendit. / KultPlus.com
Bora mbulon Bjeshkët e Rugovës (FOTO)
Në disa vise kodrinoro-malore të vendit tashmë kanë filluar edhe reshje të bores, përcjell KultPlus.
Pas Bajgorës, bora ka mbuluar edhe Rugovën. Fotografi nga bora e parë atje janë publikuar edhe në media.
Ndryshe, sot gjatë ditës pritet të ketë mot pjesërisht të vranët, derisa prej të premtes dhe përgjatë fundajës do të ketë kthjellime dhe pritet të jetë më ngrohtë, ka njoftuar Prishtina Weather, përcjell tutje KultPlus.
Të premtën në mëngjes parashihet mot më i ftohtë, e gjatë ditës më ngrohtë, duke vazhduar edhe në fundjavë.
Edhe ditën e hënë vazhdon të mbajë mot kryesisht me diell, e orëve të mbrëmjes me shtim të vransirave.
Indeksi i cilësisë së ajrit do të jetë kryesisht në vlera të pranueshme./ KultPlus.com
Bora befason banorët e Afrikës së Jugut
Një i ftohtë i pazakontë ka befasuar banorët e Afrikës se Jugut, e përveç erërave të forta që merrnin gjithçka para vetes, ishte bora ajo që mbuloi vendin.
Fillimisht të reshurat ishin koncentruar në zonat malore, por më vonë edhe në ato urbane. E një prej atraksioneve më të mëdha turistike Ceres, rreth 180 kilometra larg Cape Town, mori ngjyrën e bardhë, transmeton KultPlus
Në këtë rajon ka pasur reshje bore me një trashësi prej rreth 10 centimetra, e në tokë kishte mjaftueshëm borë që fëmijët të fillojnë t’i bëjnë dordolecët.
Lajmi për dordolecët në Ceres u përhap me shpejtësi në rrjetet sociale, kurse kolonat e veturave ishin me kilometra të gjata për shkak të interesimit të madh për ta parë borën. / KultPlus.com
Valbona nën magjinë e dëborës (FOTO)
Lugina e Valbonës këto ditë të para të 2021, të magjeps me bukurinë e bardhësisë së ofruar nga flokët e dëborës që kanë zbardhur malet e larta dhe pishat.
E kthyer në një oaz çlodhës dhe përkëdhelës për të gjithë, në lartësinë e 800 metrave mbi nivelin e detit, në këto ditë dimri Valbona ka pritur vizitorët e parë që po shijojnë pamjen që ajo ofron.
Ky park kombëtar nuk njeh stinë, pasi vizitorë të shumtë e zgjedhin atë. Tashmë dëshira për të kaluar pushime nuk mbetet vetëm në sezonin veror, por edhe atë të dimrit. Ndërkohë që turizmi malor duket se është shndërruar në një nga tendencat më të pëlqyera të shqiptarëve.
Parku Kombëtar i Valbonës është një kompleksitet bukurish interesante, ashtu siç janë vetë Alpet Shqiptare.
Këtu bukuritë e natyrës marrin formën e majave shkëmbore të larta e imponuese me faqe të veshura me pyje mes të cilave shtrihen e ndihet rrjedha e përrenjve edhe e lumit të Valbonës.
E parë nga lart të ofron imazhin e një krateri gjigand të zbukuruar mrekullisht me të gjitha ngjyrat e natyrës së gjallë. Në hyrje të kufirit lindorë, në afërsi të Shoshanit, të impresionon një peizazh i rrallë për nga bukuria.
Lugina e Valbonës është shpallur Park Kombëtar në janar të 1996. Ky park ka një sipërfaqe prej 8000 hektarësh. Konsiderohet si mrekullia e Alpeve. Ndodhet 25-30 km në veri – perëndim të qytetit Bajram Curri, qendra e rrethit të Tropojës.
Kufizohet me Parkun Kombëtar të Thethit dhe zonën natyrore të mbrojtur”Lumi i Gashit”. Territori i tij përshkohet nga rruga automobilistike Bajram Curri-Dragobi-Valbone e Çerem.
Ka maja të larta e të thepisura dhe për çdo stinë ndërron koloritin e ngjyrave dhe duke paraqitur një dinamikë të jashtëzakonshme imazhesh në kushtet e një lugine plot të papritura e me shumë labirinte. /atsh/ KultPlus.com
Brezovica mbulohet nga bora
Temperaturat kanë filluar të bien dhe bora e parë është shfaqur në disa prej vendeve të Kosovës, shkruan KultPlus.
Teksa Instituti Hidrometeorologjik i Kosovës njofton se mbi vendin tonë sot do të mbajë mot i ndryshueshëm, i vranët dhe me intervale me diell, vendet malore si Brezovica kanë marrë një pamje tjetër, duke u mbuluar nga bardhësia e borës
Sipas këtij Instituti temperaturat minimale do të lëvizin ndërmjet -2 deri 2 gradë Celsius, ndërsa maksimalet e ditës parashihen të lëvizin ndërmjet 4-6 gradë Celsius. Do të fryjë erë nga veriu me shpejtësi 1-6m/s. / KultPlus.com
Poezi dëshprimi
Kreshnik Berisha
Asgjë s’është si në fillim, në fakt
As ky arabi nazist, i frikshëm, s’duket si ditën e parë
Teksa gërhatë në qoshen tjetër të qelisë
Midis Bernit.
Unë prap kam me ia lëshu mërrolat me indiferencë
Se ai prap nesër ka m’u endë si budallë
Në këto metra katrorë, gardianët
Kanë me qeshë me të prap
Ai ka m’i marrë barnat, ka m’i shty teposhtë me ujin në tas
Dhe ata kanë me ma mbyllë derën e hekurt f’tyrës pa të keq
Që t’ha bukë me të prap
Në një tavolinë…
Unë në lajme të pashë, Arian
Të pash prap në lajme paaak sekonda
Eh, ç ’të duhen tani ato fjalë…
Të pash më vonë prap, të nesërmen
Teksa babai të vendoste lulet mbi varrë
Ti borën e doje
Por kush borës dorë i dha?
Ata, nga të cilët kërkove të mbroheshe
Apo ata që mbrojtjen s’ta dhanë?
Epo, s’ke pse me u mërzitë tash për
Dukjen para kamerave
As për komunikimin me gazetarë
As të kërkosh ndihmë nga rreziku
Rreziku tashmë të ka vrarë…
Ej, edhe mu, nga qelia e midis Bernit
Asgjë s’më duket si ditën e parë…
As ky arabi nazist
I frikshëm
Budallë
Njëzetvjeçarë…/Kultplus.com
Bora ia shton bukurinë Prizrenit (FOTO)
Bora këto ditë ka mbuluar të gjitha skutat e qyteteve të Kosovës. Një pamje të mahnitshme i ka dhënë qytetit të bukur të Prizrenit, shkruan KultPlus.
KultPlus ju sjellë një fotografi të Mergim Fanaj, e cila është shkrepur afër urës së gurit në Prizren, ndërsa lart shihet edhe Kalaja e Prizrenit. Tashmë shkallët e kësaj pjesë dhe kulmet e shtëpive të bardha janë mbuluar me ngjyrën e bardhë të dëborës.
Po ashtu e sjellim edhe një fotografi të Enis Tabak, që është shkrepur gjatë kësaj stine ku tregon rrugët e këtij qyteti të ndriçuara gjatë mbrëmjes./ KultPlus.com
Shkodra më e bukur se kurrë në borë dhe biçikleta (FOTO)
Qyteti i bukur i Shkodres është mbuluar nga bora duke i dhënë kështu një pamje të mahnitshme qytetit më të madh verior, shkruan KultPlus.
Shkodra që njihet edhe si qyteti i biçikletave, ka marr një pamje përrallore të rrugëve të mbuluara me dëborë ndërsa qytetarët vazhdojnë të qarkullojnë edhe me biçikleta në këto ditë të ftohta.
KultPlus ju sjellë disa fotografi të këtij qyteti, të postuara nga Eko Mendje./ KultPlus.com
Bora mbulon Ulqinin (FOTO)
Temperaturat e ulëta që kanë mbretëruar këtë javë, kanë qenë surprizuese për disa vende.
Nga dita e diele, bora ka zbardhur qytete të ndryshme, e kësaj here nuk ka lënë pa e veshur me petkun e bardhë edhe Malin e Zi, dhe qytetet e tij bregdetare.
Sipas fotove të siguruara nga rrjetet sociale Ulqini është mbuluar me borë, gjë kjo e jashtëzakonshme për një vend bregdetar./ KultPlus.com
