Etiketë: fotografët

Gonxhja: Fotografët shqiptarë po lënë gjurmë në skenën ndërkombëtare

Posted on by Kult Plus

Fotografët shqiptarë po lënë gjurmë në galeritë, ekspozitat, shfaqjet dhe festivalet më të rëndësishme.

Ministri i Ekonomisë, Kulturës dhe Inovacionit, Blendi Gonxhja ndau sot shembujt e suksesit në skenën ndërkombëtare të disa prej tyre.

“Fotografët shqiptarë në skenën ndërkombëtare! Nga Roland Tasho me karrierë të gjatë e çmime prestigjioze, te Ilir Tsouko me tregime vizuale bashkëkohore; nga Burim Myftiu me festivalin ndërkombëtar FOTOIST, te Jetmir Idrizi me vepra të publikuara e vlerësuara në mbarë botën”, tha Gonxhja.

Ndërsa ndau informacion mbi eksperiencën profesionale të këtyre fotografëve, ministri Gonxhja vlerësoi se “artistët shqiptarë na nderojnë ndërkombëtarisht”.

“Ndiqni CulturAlb për të njohur më nga afër fotografët shqiptarë që po lënë gjurmë në galeritë, ekspozitat, shfaqjet dhe festivalet më të rëndësishme”, u shpreh ministri Gonxhja.

“Culturalb” është projekti më i ri për promovimin e kulturës shqiptare në botë. Trashëgimia dhe krijimtaria bashkëkohore shqiptare përmes këtij projekti bëhen pjesë e dialogut kulturor ndërkombëtar.

“Culturalb” është nisma zyrtare e qeverisë shqiptare që synon ta bëjë këtë realitet, përmes një kalendari të pasur me ekspozita, shfaqje, diskutime dhe ngjarje kulturore në qytete të ndryshme të botës. Me Culturalb, kultura shqiptare udhëton, bashkëbisedon dhe ndërvepron pa kufij.

Korça në syrin e fotografëve grekë, fotografët profesionistë hapën në qytet ekspozitën me fotot më të mira

Posted on by Kult Plus

Korça është sjellë në të gjitha dimensionet e saj përmes një ekspozite fotografie të realizuar nga 9 fotografë grekë të cilët për 4 ditë eksploruan qytetin duke fiksuar në objektivin e tyre natyrën, arkitekturën dhe jetën e këtij qyteti. 

Për herë të parë grupi i përbërë nga fotografë profesionistë nga cendi fqinjë ju drejtua Korçës për të evidentuar realitetin me të gjitha ngjyrat e tij ndërsa 18 fotografi u përzgjodhën për publikun.

Për fotografët të cilët kanë fotografuar 76 qytete nga vende të ndryshme të botës Korça është një qytet ku e reja dhe tradita qëndrojnë shumë pranë dhe ku portretet e njerëzve janë shumë të veçantë

“Ideja ime ishte të gjeja diferencat dhe ndryshimet që ka ky qytet. Është një qytet që duket se le të kaluarën pas, por pa humbur traditën dhe shikon në sy të renë. Fotografia ime ka tre nuanca të së bardhës, është një vend kulturor, që përfaqëson të kaluarën, modernen dhe kulturën, sepse është një kinema verore. Kurse tek fotografia e dytë, është një prift në rrugicat e Korçës dhe drita që bie, tregon se diçka e re po lind.”, thotë Grigorios Moutsios.

“Jemi shumë të kënaqur dhe entuziaztë edhe pêr mikpritjen tuaj dhe veçoritë e qytetit. Më pëlqyen të gjitha në Korçë. 75 vende të botës kam fotografuar dhe Korça është e 76. Jemi të gatshëm të rikthehemi në Korçë me një grup më të madh fotografësh”, tha Athina Perka.

Të gatshëm të rikthehen përsëri në Korçë grupi i fotografëve  False Mirror do të mundësojnë që fotot e realizuara prej tyre të pasqyrohen edhe në një fotoalbum turistik për Korçën./ Top Channel/ KultPlus.com

Kryeministri Kurti në ditën ndërkombëtare të fotografisë, vlerëson lartë fotografët shqiptarë

Posted on by Kult Plus

Kryeministri Albin Kurti ka vlerësuar lartë fotografët shqiptarë, sot me rastin e shënimit të ditës ndërkombëtare e fotografisë.

Përmes një postimi në Facebook, Kryeministri Kurti thotë se fuqia e fotografisë është e madhe.

“Ishin fotografët që përmes fotografive dëshmuan para botës vuajtjet e maltretimet, vrasjet e masakrat mbi popullin shqiptar nga shteti i Serbisë”, shkruan Kurti.

“Po ashtu, ishin fotografët ata që kapën shumë momente gëzimi e fytyra të qeshura në Kosovën tonë të lirë”.