Etiketë: gonxhja

Gonxhja: T’i kthejmë Cirkut lavdinë e dikurshme

Posted on by Kult Plus

Ministri i Ekonomisë, Kulturës dhe Inovacionit Blendi Gonxhja,  tha sot se, “sfida jonë është për t’i kthyer Cirkut lavdinë dhe shkëlqimin e dikurshëm”.

Ministri Gonxhja, teksa ndau në rrjetet sociale momente nga shfaqja dhe performanca e parë e akrobatëve shqiptarë, tha se Cirku është një hapësirë ku shkëputesh nga realiteti, duke u bërë pjesë e një bote të imagjinatës pa kufij.

“Ky vit shënon 65-vjetorin e Cirkut Kombëtar, i vetmi në Ballkan për llojin e tij, çka na sjell para një sfide të vështirë, për t’i kthyer Cirkut lavdinë dhe shkëlqimin e dikurshëm, në një hapësirë ku fëmijët dhe të rriturit mund të shkëputen nga realiteti dhe të bëhen pjesë e një bote të imagjinatës pa kufij”, shkroi Gonxhja.

Në Ditën Ndërkombëtare të Cirkut, Gonxhja shprehu mirënjohje për artistët e cirkut dhe emocionet magjike që kanë përcjellë përmes performacës tyre.

“Shprehim mirënjohjen tonë për të gjithë artistët e mrekullueshëm, për çdo emocion dhe të qeshurat pafund që ata kanë dhuruar ndër vite, duke e bërë cirkun një nga format e artit më të dashura për të gjithë”, tha Gonxhja./atsh/KultPlus.com

Gonxhja: Paketë ‘one stop shop’ për emigrantët, program i ri ‘investo në tokën tande’ për turizmin malor

Posted on by Kult Plus

Ministri i Ekonomisë, Kulturës dhe Inovacionit, Blendi Gonxhja bëri publik programin e ri të qeverisë, për zhvillimin e turizmit malor nën logon “investo në tokën tande”, që synon të rikthejë emigrantët për të investuar në tokën tyre, falë lehtësirave dhe mundësive të ndryshme që do të ofrohen për ta përmes një pakete “one stop shop” .

“Ne po punojmë fort për një transport ndërqytetas për një rrjet ndërlidhës shumë më të mirë, nga pikat hyrëse, marinat, portet, aeroportet. Shqipëria po përfundon aeroportin e dytë shumë të madh për kargo dhe për një afrim më shumë me zonën e jugut”, u shpreh Gonxhja në sot Konferencën për Investimet dhe Zhvillimin Ekonomik të Europës e Shqipërisë – “Nxitja e investimeve në turizëm për ndryshim pozitiv në përfitim të të gjithëve”, që u zhvillua në Tiranë.

Gonxhja tha se, “jemi në përpunim të një programi të ri për turizmin malor dhe për zhvillimin në zonat malore, e themi këtë sepse turizmi sezonal për ne në një vend me më shumë se 300 ditë diell është i pamjaftueshëm vetëm në det dhe bregdet, por edhe nga pikëpamja e një menaxhimi vjetor dhe i nevojës që popullsia ka për të përfituar nga turizmi duhet të jetë në të gjithë gjeografinë dhe hapësirën e vendit, ndaj bëhemi gati që të shpallim një paketë dhe projekt që do ta quajmë “investo në tokën tande” për pjesën e veriut ku ne do të thërrasim shumë emigrantë, që sot janë në gjendje shumë më të mirë ekonomike, të cilët kthehen dhe do ta kenë këtë paketë një “one stop shop” shumë interesante. Duam t’i nxisim ata dhe të investojnë me lehtësi shumë të mëdha në zona shumë të largëta”.

Gonxhja e cilësoi këtë nismë një shtytje për zhvillimin e ekonomisë rurale në zonat veriore të vendit.

“Kthimi i emigrantëve për të investuar në tokën e tyre është alternativa më e mirë sesa ata të investojnë në vendet ku ata janë të suksesshëm”, u shpreh ai, teksa vuri në dukje ambicien e  qeverisë për zhvillimin e turizmit gjithëvjetor nga jugu deri në veri të vendit./atsh/KultPlus.com

Gonxhja: Rikthejmë shkëlqimin e siteve dhe monumenteve kulturore të vendit

Posted on by Kult Plus

Mirëmbajtja, investimet dhe projektet me bashkëpunëtorë të huaj, kanë nxjerrë nga lista e riskut shumë objekte pasuri kulturore në shumë qarqe.

Ministri i Ekonomisë, Kulturës dhe Inovacionit, Blendi Gonxhja tha sot se këto ndërhyrje
janë kryer falë ekipeve dhe specialistëve të drejtorive rajonale të trashëgimisë kulturore të Ministrisë së Ekonomisë, Kulturës dhe Inovacionit, së bashku me mjeshtrat duarartë dhe komunitetet e organet vendore.

Gonxhja u shpreh se “ndërhyrjet restauruese kanë vijuar në: Kishat e Shën Triadhës në Tudas dhe Shën Marisë në Lubonjë;Shtëpinë muze të Kostandin Kristoforidhit në Elbasan;Pikturën murale në kishën e Shën Kollit dhe punime emergjente në Urën e Niçës. Gjithashtu, është në proces një projekt i rëndësishëm për restaurimin e kishës dhe pikturës murale në ishullin e Maligradit, me mbështetjen e projekteve IPA”.

Minisitri Gonxhja u shpreh se “investimet kanë nxjerrë nga risku kishën e Shën Marisë, Barmash dhe Shën Kollit në fshatin Shelcan. Po rijetëzojmë kulturën anë e mbanë Shqipërisë, e rikthejmë lavdinë dhe shkëlqimin e siteve dhe monumenteve kulturore të vendit”, tha Gonxhja.

Monumentet e kulturës në vendin tonë vijojnë të jenë  më të preferuarat për t’u vizituar nga grupet turistike vendase dhe të huaja./atsh/KultPlus.com

Gonxhja: Bashkëpunim me UT për të ofruar mundësi edukimi të specializuar për të rinjtë

Posted on by Kult Plus

Ministri i Ekonomisë, Kulturës dhe Inovacionit, Blendi Gonxhja zhvilloi një takim me rektorin e Universitetit të Tiranës, Prof. Dr. Artan Hoxha për hapjen e një horizonti të ri dhe partneriteti cilësor.

Gonxhja u shpreh se, MEKI është e vendour që Paktin për Universitetin, prioritet i Qeverisë Shqiptare, ta kthejë në një burim energjie, idesh dhe projektesh, duke ofruar mundësi edukimi të specializuar për të rinjtë, praktikash kërkimore, orientim drejt eksperiencës jetësore dhe administratës që duam.

Ai teksoi se si dallandyshe e pare do të jetë një projekt arkeologjik, që bën bashkë kapacitetet intelektuale, energjinë e studentëve dhe infrastrukturën laboratorike të Departamentit të Arkeologjisë, në funksion të njohjes, konservimit dhe promovimit të kulturës kombëtare.

“Vullnet i përbashkët për të investuar në rritjen e kapaciteteve njerëzore, akademike dhe studentore. Vizion për të afruar universitetin në dinamikat e zhvillimeve ekonomike dhe shoqërore të vendit, të cilat kanë nevojë të ngutshme për oponencën, dijen e thelluar dhe inovacionet, në nje botë gjithmonë e më të integruar dhe konkurruese”, u shpreh Gonxhja./atsh/KultPlus.com