E tmerrshme: Serbët e kishin detyruar shqiptarin ta dhunonte motrën gjatë luftës

Veteranja e UÇK’së, Shkëndije Hoda, ka treguar njërin prej rasteve më të rënda të përdhunimeve gjatë kohës së luftës në Kosovë.

Mbi 20 mijë gra janë dhunuar gjatë luftës në Kosovë, ndërsa drejtësia ende nuk është vënë në vend.

“E kemi një rast që nuk po mundemi me bindë familjen. Pos që e kanë dhunuar një grua. Forcat serbe e kanë detyruar edhe vëllanë që të kryejë përdhunim mbi motrën. Ata ende nuk guxojnë të shohin njëri-tjetrin”, ka thënë ajo në Dukagjini.

Këtu e keni rrëfimin e plotë:

E mbijetuara e dhunës seksuale nga lufta në Kosovë dorëzon kallëzim penal në Prokurorinë Speciale

Të hënën, më 14 tetor 2019 e mbijetuara e dhunës seksuale e luftës në Kosovë , do t’i drejtohet Prokurorisë Speciale në Kosovë për të kërkuar drejtësi.

Përmes një njoftimi për media, bëhet e ditur se më 13 tetor 2019, QKRMT mbush 20 vjet nga themelimi i saj. Për gjatë këtyre dy dekadave, QKRMT thotë se ka trajtuar mijëra të mbijetuar të luftës në Kosovë. Përveç trajtimit të viktimave të luftës, QKRMT u angazhua fuqishëm në avokimin për njohjen ligjore të të mbijetuarve të dhunës seksuale gjatë luftës në Kosovë, ku përfundimisht nga muaji Shkurt i vitit 2018, ka filluar procesi për njohjen e statusit të viktimave të dhunës seksuale gjatë luftës në Kosovë.

“Po ashtu, gjatë këtyre viteve QKRMT u bë zë i fuqishëm i të mbijetuarve të dhunës seksuale të luftës në kërkim të drejtësisë. Shumë raste, QKRMT i ka adresuar te misionet ndërkombëtare (UNMIK dhe EULEX), dhe institucionet vendore të drejtësisë. Vetëm në dy vjetët e fundit, QKRMT ka referuar mbi dhjetë raste të të mbijetuarve të dhunës seksuale të luftës për t’u hetuar tek Prokuroria Speciale”, thuhet në njoftim.

Megjithëkëtë, thuhet aty, deri më tani asnjë kryerës i dhunimeve gjatë luftës nuk ka marrë dënimin nga gjykatat, po ashtu Prokuroria Speciale në Kosovë, përveç hetimit të këtyre rasteve, ende nuk ka ngritur ndonjë aktakuzë.

“Prandaj, në kërkim të drejtësisë për vete dhe për të gjithë të mbijetuarit e dhunës seksuale të luftës në Kosovë, anëtarja e QKRMT-së, Sh.S., e mbijetuar e dhunës seksuale nga koha e luftës, ka vendosur që publikisht të kërkojë drejtësi”, thuhet në njoftim.

Me mbështetjen e stafit të QKRMT-së, Sh.S. më datën 14 tetor 2019, ora 11.00, do të dorëzojë kallëzimin penal rreth ngjarjes që ka përjetuar gjatë luftës në Kosovë. Kallëzimi penal do të dorëzohet në Prokurorinë Speciale të Kosovës.

Kallëzimi penal do të bëhet më 14 tetor në orën 11:00.

Black and white image of a young woman crying useful to illustrate stress, depression or domestic violence