4-vjeçari shkruan libër për mirësinë dhe futet në Guiness

Saeed Rashed AlMheiri, 4-vjeçar nga Abu Dhabi, është personi më i ri në botë që ka botuar libër.

Rekordi i tij u verifikua më 9 mars 2023, pasi ai shiti mbi 1000 kopje të librit të tij për fëmijë “Elephant Saeed and the Bear”.

Është një histori që flet për mirësinë dhe një miqësi të papritur mes dy kafshëve.

Saeed vazhdoi të shpjegonte librin të tij: “Bëhet fjalë për elefantin Saeed dhe një ari polar. Elefanti kishte një piknik dhe pa një ari polar. Ai mendoi se ariu do ta hante, por në fund, elefanti tregoi mirësi dhe tha ‘le të bëjmë një piknik së bashku’! Pastaj u bënë miq dhe treguan mirësi me njëri-tjetrin.” /Shqip.com / KultPlus.com

Suedezja 103-vjeçare thyen rekordin botëror të hedhjes me parashutë

Një grua suedeze 103-vjeçare ka thyer rekordin botëror të hedhjes me parashutë, dje pasdite pranë Motala, rreth 200 kilometra në jugperëndim të Stokholmit.

Një video nga transmetuesi suedez “SVT” tregoi Rut Larsson duke zbritur butësisht në tokë nën një qiell blu të ndritshëm, ku po prisnin ndihmësit e saj.

Një përfaqësues i Librit të Rekordeve Botërore “Guinness” ishte dëshmitar i ngjarjes.

Larsson, e cila është nga qyteti i Mjolby, tha se i pëlqente ndjenja e zbritjes nga qielli, pavarësisht nga shikimi i saj i dobët. Ajo tha se nuk kishte shfaqur shenja ankthi para ngjarjes, pasi edhe më parë kishte bërë një hedhje të ngjashme në vitin 2019.

103-vjeçarja theu rekordin e mbajtur nga amerikanja Kathryn Hodges, e cila u hodh nga një aeroplan i vogël pranë Seattle në gusht të 2019, në moshën 103 vjeç e 129 ditë. / KultPlus.com

Udhëtoi për 44 ditë me aeroplan, piloti 18-vjeçar thyen rekordin Guiness

Një pilot 18-vjeç ka thyer rekordin e librit Guiness, duke u bërë piloti më i ri i cili udhëtoi me aeroplan rreth botës.

Travis Ludlove nga Buckingemshire, ka ateruar në Holandë të martën. Ai udhëtoi 44 ditë dhe gjatë asaj kohe ka përshkuar 40.072 kilometra.

I riu është 13 ditë më i ri sesa rekordmeni i mëparshëm.

Adoleshenti ka thënë se e tëra çfarë e ka brengosur ishte zgjimi në orët e hershme të mëngjesit, shkuarja në shtrat në orët e vona dhe kushtet klimatike siç janë stuhitë.

“Është një ndjenjë e çuditshme, kam mbërritur dhe e di se tani më nuk kam për çfarë të brengosem”, ka thënë Travis.

Me pilotim filloi të merret kur ishte 12-vjeçar, e pasi mbushi 14 u bë piloti më i ri në Britani.

Me aeroplanin Cesna 172R prodhim i vitit 2001, fluturoi mbi Evropës, duke kaluar nëpër Rusi e Amerikë, për të përfunduar në Kanada e më pas në Groenlandë e Islandë.

Rekorderi i mëparshëm ishte Maison Andrews nga Louisiana që kreu fluturimin e tij gjatë vitit 2018. / Express / KultPlus.com

Unaza me 12,638 diamantë, vendos rekord botëror në ‘Guinness’

Sa diamante mund të mbajë një unazë e vetme? Përgjigjja, sipas librit të ri të rekordeve botërore “Guinness”, është 12.638 sish. Harshit Bansal, themeluesi i “Renani Jewels”-it në Meerut, Indi, ka vendosur rekordin botëror me diejnin e tij mbresëlënës.

Unaza, e quajtur Marigold, ose “Unaza e prosperitetit”, në formën e një luleje, ka një brez rrethor të zbukuruar me mijëra diamante natyrore 38.08 karat, sipas “Guinness”-it. Unaza peshon pak më shumë se 165 gramë, transmeton KultPlus.

Bansali tha se u frymëzua për herë të parë për të thyer rekordin për një unazë të  mbushur me diamante më 2018, ndërsa studionte disenjin e bizhuterive në Surat, Indi. Dy vjet më vonë, kompania e tij përfundoi modelin e unazës më 30 nëntor 2020. Synimi ishte që të përfshinte më shumë se 10.000 diamante.

Bansali tha se ai tashmë kishte kthyer kërkesat nga blerësit që kishin bërë ofertat e para.

“Ne nuk kemi plane për ta shitur unazën. Është një çështje krenarie për ne. Marigold është e paçmuar ”.

Rekordi i mëparshëm – 7.801 diamante në një unazë – u vendos gjithashtu në Indi nga argjendarët “Hallmark Jewellers” me bazë, në Hyderabad. / KultPlus.com

Rekordet më interesante Guinnes në fushën e librave

Në gusht të vitit 1955 u botua libri i parë i rekordeve Guinness, një botim me 198 faqe që u bë menjëherë një nga më të shiturit e atij viti. Libri është një përmbledhje e arritjeve dhe rekordeve nga më të çuditshmet. Dhe meqë ne jemi faqe dedikuar librit, bëmë një kërkim mbi disa nga rekordet Guinnes pikërisht në fushën e letrave.

1. Libri më i trashë i publikuar ndonjëherë

Është plot 322 mm trashësi dhe është publikuar nga “HarperCollins” në Londër, në maj 2009. Libri përmban të gjithë krijimtarinë e “zonjës së krimit”, Agatha Christie. Ai përbëhet nga 4,032 faqe dhe peshon 8.04 kg.

2. Libri i shitur më ngadalë

Ky rekord i përket përkthimit të testamentit të ri nga David Wilkins. I botuar nga Universiteti i Oksfordit në vitin 1716, në vetëm 500 kopje, libri ka shitur vetëm një kopje çdo 20 javë.

3. Koleksioni më i madh me libra me autografe

Richard Warren nga Kalifornia ka koleksionuar 2381 libra me autografe nga autorët përkatës. Ai e nisi koleksionin në vitin 1970, kur ishte 16 vjeç. Gjatë këtyre viteve ai ka udhëtuar nëpër botë, duke u kërkuar autorëve t’i nënshkruanin librat. Historia e tij u bë e njohur dhe disa autorë ia dërgonin vetë librat e tyre të nënshkruar.

4. Personi më i ri që ka botuar libër

Në këtë rast është një vajzë vetëm 4 vjeçe. Dorothy Straight nga Uashingtoni shkroi “Si nisi bota” në vitin 1962, në moshën 4-vjeçare, edhe pse libri u botua 2 vite më vonë. Vajza e shkroi librin për gjyshen dhe prindërit e saj menduan t’ia dërgonin një botuesi.

5. Maratona më e gjatë e leximit

Është plot 113 orë e 15 minuta, e arritur nga Deepak Sharma Bajagain nga Nepali, e realizuar më 19 – 24 shtator 2008. Ai lexoi me zë 17 libra të ndryshëm nga 13 autorë. /KultPlus.com