Premiera e dokumentarit BIBA MAY – “Jo Më” sonte në Kino Armata

Një film dokumentar për fuqizimin e grave me aftësi të kufizuara. Një histori guximi, vendosmërie, përkushtimi dhe dashurie.

Një rrëfim inspirues i Resmije Rahmanit, e njohur si Biba May, vjen sonte premierë në Kino Armata nga ora 20:00.

Pavarësisht sfidave, pengesave dhe humbjeve të saj, dashuria dhe mbështetja e familjes dhe miqve e shtyn Biba May të ecë drejt vizionit të saj për të synuar një botë më të mirë dhe mundësi për të tjerat si ajo.

Ky film dokumentar, me producente Shqipe Malushi, drejtim artistik të Zana Hoxhës, dhe regji të Arlinda Morinës, pasqyron shpirtin e vërtetë të një gruaje luftëtare dhe çfarë është e mundur. /KultPlus.com

Premiera e dokumentarit “Jo Më” shfaqet më 9 dhjetor në Kino Armatë

Së shpejti vjen premiera e filmit dokumentar BIBA MAY-“Jo Më”, një histori e fuqizimit të grave me aftësi të kufizuara dhe një model guximi, vendosmërie, përkushtimi dhe dashurie, përcjell KultPlus.

Premiera shfaqet në Javën Ndërkombëtare të Drejtave të Njeriut dhe Muajin e Filmit Evropian në Kino ARMATA mes 13 nëntor – 10 dhjetor.

Rrëfimi zbulon jetën e një gruaje Resmije Rahmani e njohur ndryshe si Biba May, e cila vuan nga distrofia muskulare progresive, por me gjithë sfidat, pengesat dhe humbjet e saj, nuk ndalet kurrë duke u përpjekur të bëjë ndryshimin për personat me aftësi të kufizuara.

Shkruar dhe prodhuar nga Shqipe Malushi, Producente Ekzekutive dhe Drejtimi Artistik: Zana Hoxha, Regjisore: Arlinda Morina, përfshirë dhe regjisorë kontribues si Burim Haliti, Mahiema Anand, Arzana Pireci, dhe Jeton Pireci, Drejtor i Fotografisë: Michael Stoeger, xhirimet e luftës dhe video klipet: Nafis Lokvica, Montazherët: Arlinda Morina dhe Berat Kryeziu, Grimi dhe kostumografia: Ganimete Sava, Droni: Visar Selimi, Muzika dhe Kënga Origjinale: Memli Kelmendi dhe Shqipe Malushi, Vokaliste: Klea Dina; Zgjedhja muzikore dhe Zërimi: Samer Agolli, Ngjyrat: Rron Ismajli, Dizajni: Arbër Matoshi.

Projekti i iniciuar në bashkëpunim me Akademinë Evropiane të Filmit, do të shfaqet më 9 dhjetor, duke filluar nga ora 20:00, në Kino Armatë.

Donatorët dhe përkrahësit: Fondacioni Joseph Handleman “Besoj në Ty”, (SHBA), Fondacioni Global Shqiptar, (SHBA), Ministria e Kulturës, Rinse dhe Sporteve e Kosovës; SIGMA – Grupi i Sigurimit nga Vjena, Artpolis – Qendra për Art dhe Komunitet, si dhe OPDMK, Kino ARMATA, ANIBAR – Kino “Jusuf Gërvalla”, Pejë, dhe Komuna e Pejës – Departamenti i Kulturës.

Ky event/projekt gjithashtu mbështetet nga Zyra e Presidentes së Republikes së Kosovës. / KultPlus.com