‘Këto thikat e mia, ty të vrisnin, unë shumë mirë e dija’ (VIDEO)

Alban Ramosaj me këngën ‘Thikat e mia’ ka fituar edicionin e 22-të të festivalit më të madh shqiptar ‘Kënga Magjike’, shkruan KultPlus.

Teksti i këngës është shkruar nga Fifi dhe vetë këngëtari Ramosaj. Këngëtari krahas votave të jurisë, rrëmbeu edhe ato të artistëve por dhe të publikut.

KultPlus ju sjell videon dhe tekstin e këngës triumfuese në këtë edicion të Këngës Magjike.

Ti me hile dashninë nëmun ma ke dhon’,
E me hile sytë e mi ti i ke pa
Pa fije krenarie n’gjunj t’kam ra
Moj e marrë, ç’a ke pa?!

Refreni:

Po mirë…
Këto thikat e mia
Ty të vrisnin, unë shumë mirë e dija
E mu’ m’pëlqente të shihja,
Kur dilje nga vetja për ne. (2X)

Strofa II

Moj e marrë, kush pat’ faj në kët’ dashni,
Rrejta un a m’rrejte ti,
Që të dy vdiqëm n’vetmi

Moj e marrë, e u shuam si qiri
Ç’të du trupin më, a e di?
Po prapë s’du t’shof me njeri

Refreni:

Po mirë…
Këto thikat e mia
Ty të vrisnin, unë shumë mirë e dija
E mu’ m’pëlqente të shihja,
Kur dilje nga vetja për ne. (2X)

Bridge

Kur dilje nga vetja për ne (2X)

Djallin, djallin, djallin-djallin, n’shishe e mban,
aman mos e fal, mos e fal më thonë.

Refreni

Këto thikat e mia
Ty të vrisnin, unë shumë mirë e dija
E mu’ m’pëlqente të shihja,
Kur dilje nga vetja për ne.

Pa hile, t’kam dasht pa hile.
t’kam dasht pa hile, moj e marrë! / KultPlus.com

Alban Ramosaj mes lotësh në Këngën Magjike: O mam, fitova (VIDEO)

Alban Ramosaj me këngën ‘Thikat e mia’ ka fituar edicionin e 22-të të festivalit më të madh shqiptar ‘Kënga Magjike’, shkruan KultPlus.

Teksti i këngës është shkruar nga Fifi dhe vetë këngëtari Ramosaj. Këngëtari krahas votave të jurisë, rrëmbeu edhe ato të artistëve por dhe të publikut.

Çmimi u dorëzua nga fituesja e edicionit të kaluar të Këngës Magjike, Eneda Tarifa. Ndërkaq Alban Ramosaj pas fitores falënderoj nënën e tij dhe publikun duke theksuar se kjo ishte vetëm një kujtesë e arsyes se pse ai këndon.

Ndër të tjera, Ramosaj pranoi çmimin mes lotësh. Ishin fjalët ”O mam, fitova” që emocionuan të gjithë të pranishmit. / KultPlus.com

Sonte finalja e ‘Këngës Magjike’

Sezoni i 22-të i festivalit të ”Këngës Magjike”, këtë vit është zhvilluar ndryshe nga çdo herë tjetër për shkak të pandemisë dhe për shkak të situatës së krijuar nga pandemia. Ky kompeticion muzikor për herë të parë nuk u zhvillua në Pallatin e Kongreseve.

Gjithashtu pati një numër të kufizuar njerëzish të pranishëm në skenë, mes tyre edhe artistë që kanë kënduar në natën e parë gjysmëfinale të festivalit.

“Pandemia fiku dritat e botës”, tha ai duke shtuar se “Kënga Magjike” do të zhvillohet këtë herë në një tjetër shtëpi të ëmbël. Pas 22 vitesh sonte ndërrojmë destinacion. Është e trishtueshme të shohësh dritat e shtëpisë fikur sepse ky pallat ka qenë dhe është shtëpia jonë magjike, por pandemia fiku dritat e botës, por mbi ne rrjedhimisht na mbylli derën e kësaj shtëpie përkohësisht, por ne kemi tjetër shtëpi, të ëmblën shtëpi”, është shprehur Ardit Gjebrea, përcjell KultPlus.

Martina Sereqi, Andrea Vathaj, Kras, Urban Band dhe Niki, Josil, Stiv, Genti Disha, Genti, Kleoniki ishin artistët e rinj që arritën të merrnin votën e jurisë së përbërë nga Enkel Demi, Jonida Maliqi, Markelian Kapidani, Arben Skënderi dhe Kozeta Kurti.

Në finalen e sotme do të konkurrojnë jo vetëm artistë të njohur shqiptarë, si Soni Malaj, Eneda Tarifa, Fifi, Flor Mumajesi Klajdi Haruni, por edhe artistë të huaj dhe këngëtarë të rinj dhe ne jemi gjithë sy e veshë se kush do të triumfojë në këtë kompeticion muzikor. / KultPlus.com

“Kënga Magjike 2021” do të filloj me 21 mars

Gjatë një komunikimi pyetje-përgjigje me ndjekësit në Instagram, Orgesa Zaimi zbuloi se do të marrë pjesë në “Kënga Magjike 2021”, postim i cili u shpërnda nga producenti Ardit Gjebrea në Instagram.

Këngëtarët po përgatisin projektet e tyre për të na i prezantuar në fillim të festivalit, i cili edhe kësaj here do të vendosë në garë konkurruesit për të fituar çmimin e parë.

Së fundmi, është zbuluar edhe një nga pjesëmarrëset e cila e ka bërë vetë të ditur këtë lajm.

Teksa i është përgjigjur ndjekësve në InstaStory, këngëtarja Orgesa Zaimi ka treguar se do të marrë pjesë këtë vit në festival.Por cila është data në të cilën do të nisë “Kënga Magjike”? Kësaj pyetjeje i është përgjigjur Ardit Gjebrea.

“Në 21 mars 2012 fillojmë tek @edielashqiptare dhe në 29 maj përfundojmë finalen”- ka treguar ai krahas postimit./ KultPlus.com