Kofi Annan pranë dhimbjes së refugjatëve të Kosovës në Kukës dhe Stenkovec (FOTO)

Kofi Annan, ish-sekretari i përgjithshëm i OKB-së, i cili ndërroi jetë sot nga një sëmundje e rëndë, ka qenë padyshim një person kyç gjatë viteve 1999 ku në Kosovë kishte plasur genocidi serb, shkruan KultPlus.

Kofi Annan ka vizituar Kosovën por edhe kampet e refugjatëve gjatë luftë së fundit, në ato vite ai u takua me autoritetet lokale dhe pa nga afër lagjet e shkatërruara nga forcat serbe.

KultPlus sot ju përcjellë dy fotografi të shkrepura në majin e vitit 1999-të kur Kofi Annan kishte vizituar kampin e refugjatëve në Stenkovec të Maqedonisë dhe kampin e refugjatëve në Kukës të Shqipërisë.

Gjatë kohës kur ai ishte pjesë e OKB-së, ndoqi me kujdes dhe përkushtim situatën e krijuar mes dy vendeve, ku akuzonte Serbinë për shkatërrimin e Kosovës dhe dënonte krimet e saj ndaj popullsisë shqiptare të Kosovës. Ai insistoi dhe realizoi me sukses dy qëllimet që e favorizuan Kosovën, kthimi i refugjatëve të Kosovës dhe që Kosova të vihet nën administrimin e OKB-së, përpara se të nënshkruhej më vonë dhe paqja mes dy vendeve./ KultPlus.com

United Nations Secretary General Kofi Annan (L) shakes hands with Ibrahim Rugova, Kosovo’s independence leader, 01 June 1998 at UN headquarters in New York. Kosovo’s population is 90 per cent ethnic Albanian, many of whom are demanding independence from Serbia. AFP PHOTO Stan HONDA / AFP / STAN HONDA (Photo credit should read STAN HONDA/AFP/Getty Images)

Në vitin 2002, Kosova kishte organizuar ekspozitë për nder të Kofi Annan

Sekretari i Përgjithshëm i OKB-së Kofi Annani, në vitin 2002 ka vizituar Kosovës. Në mes të vizitave që ai ka bërë dhe takimeve që ka realizuar, ai kishte ndarë kohë edhe për të vizituar Galerinë Kombëtare të Kosovës.

Më poshtë mund të pamje nga ekspozita e organizuar për nder të vizitës së Sekretarit të përgjithshëm të OKB-së. Pikërisht në Galeri ai pati mbajtur fjalimin kryesor në kuadër të vizitës së tij.

Galeria Kombëtare e Kosovës u themelua në vitin 1979 si institucion kulturor për prezantimin e artit pamor dhe ruajtjen e mbledhjen e veprave më me vlerë.

Për këto 30 vjet të veprimtarisë ky institucion ka organizuar afro 500 ekspozita në vend dhe në botën e jashtme, të cilat janë përcjell me shumë botime, dhe blerjen e afro 1000 punimeve artistike nga të cilat është formu një fond i pasur i Galerisë.

Vetëm pas luftës së fundit janë organizuar mbi 200 ekspozita kolektive e individuale, kombëtare e ndërkombëtare, ku kanë ekspozuar mijëra e mijëra artistë. Veprat e tyre u vizituan dhe u shijuan nga mijëra artdashës, nga më shumë se 200 delegacione ndërkombëtare, nga personalitete të njohura të jetës politike dhe kulturore, duke filluar nga Sekretari i Përgjithshëm i OKB-së Kofi Annani e deri te shkrimtari ynë i madh Ismail Kadare./
KultPlus.com

Kofi Annan dhe Ibrahim Rugova së bashku në një fotografi

Më 1 Qershor 1998 Kofi Annan, Sekretari i Përgjithshëm i OKB-së pati vizituar Kosovën, në këtë fotografi ai shihet së bashku me Presidentin Ibrahim Rugova duke shtrënguar dorën njëri-tjetrit.

Kofi Annan, ish-sekretari i përgjithshëm i OKB-së, i cili ndërroi jetë sot nga një sëmundje e rëndë, ka qenë padyshim një person kyç gjatë viteve 1999 ku në Kosovë kishte plasur genocidi serb.

Kofi Anan ka vizituar Kosovën por edhe kampet e refugjatëve gjatë luftë së fundit, në ato vite ai u takua me autoritetet lokale dhe pa nga afër lagjet e shkatërruara nga forcat serbe.

Gjatë kohës kur ai ishte pjesë e OKB-së, ndoqi me kujdes dhe përkushtim situatën e krijuar mes dy vendeve, ku akuzonte Serbinë për shkatërrimin e Kosovës dhe dënonte krimet e saj ndaj popullsisë shqiptare të Kosovës. Ai insistoi dhe realizoi me sukses dy qëllimet që e favorizuan Kosovën, kthimi i refugjatëve të Kosovës dhe që Kosova të vihet nën administrimin e OKB-së, përpara se të nënshkruhej më vonë dhe paqja mes dy vendeve./KultPlus.com