Prestigjiozja franceze “Le Figaro” përshkruan Shqipërinë si një ndër destinacionet e fundit sekrete në Evropë.
Kryeministri Edi Rama ndau sot shkrimin e “Le Figaro” i cili i bën jehonë Shqipërisë turistike.
Kryeministri u shpreh se “është fantastike nisja e vitit 2024 për Shqipërinë që vazhdon të jetë në listën e vendeve europiane më atraktive për t’u vizituar”.
“Pas CNN, tani prestigjozja franceze “Le Figaro” përshkruan Shqipërinë si një ndër destinacionet e fundit sekrete në Evropë mes plazheve të bruzta me rërë të bardhë, qyteteve të lashta historike dhe Vjosës, Parkut të parë Kombëtar të një lumi të egër”, tha Rama.
Kryeministri bëri po ashtu të ditur se 127 mijë turistë francezë zbuluan vendin tonë gjatë vitit 2023, duke konsoliduar hartën e tregjeve nga Evropa Perëndimore./atsh/KultPlus.com
Gazeta prestigjoze franceze “Le Figaro” i ka kushtuar një artikull të gjatë Shqipërisë dhe atraksioneve turistike që Shqipëria ofron.
“Le te jemi te sinqerte. Çfarë dimë për Shqipërinë? Dimë pak për periudhën e e diktaturës komuniste, për mercedesin e vjetër, bunkerët e shumtë dhe ndoshta njohin shkrimtarin shqiptar Ismail Kadare… Kaq dimë. Trashëgimia helene? Dihet shumë pak. E kaluara dhe pushtimi Osman? Shqipëria është shumë më tepër se kaq, është 2000 vjet histori, kultura, qytetet antike dhe peisazhet e larmishme.
Në veri janë malet dhe luginat e thella, në qendër qytetet e zhvilluara. Në perëndim kryeqyteti aktiv, Tirana. Në jug, bregdeti dhe plazhet e tij, pjesa më e frekuentuar nga turistët.
Shqipëria është një nga gurët e çmuar më të mirë të Adriatikut. Pasi kaloni Vlorën mund të shijoni Detin Jon. Para syve tuaj, gjire të vegjël, ujëvara dhe fshatra në majë të kodrave. Jo, nuk është Greqia, por Riviera Shqiptare, 100 km vijë bregdetare, limane të fshehura dhe zona arkeologjike. Grekët, Romakët dhe Bizantinët ishin vendosur atje. Turistët tani vijnë të shijojnë plazhin.
Dhërmi, “Perla e bregdetit”. Kështu e quajmë ne. Me këtë kuptojmë: ujë të pastër, plazhe me guralecë dhe bare pothuajse në ujë. Dhërmi është një nga vendpushimet më të njohura bregdetare. Ka infrastrukturë cilësore dhe një territor përrallor. Një avantazh tjetër: vija bregdetare është e gjatë. Rreth teje, mali, ai i vërtetë, kap majat mbi 2000 metra. Dhërmi është bregdet, por edhe një qytet i vjetër. Ngjituni atje lart dhe shëtisni pak. Aty do të gjeni rrugë me kalldrëm, shtëpi prej guri, pemë fiku, hardhi dhe trëndafila të lulëzuar. Fshati ka më shumë se 30 kisha ortodokse, duke përfshirë Manastirin e Panagia, të vendosur në kodër. Brenda, afreske të bukura të shekullit të 16-të.
Plazhi i Gjipesë është një nga më të bukurit në Shqipëri. 400 metra guralecë, ujë të pastër dhe shkëmbinj përreth. Ideale për not, natyrë përreth dhe qetësi. Një kanion mbresëlënës. Ju mund ta eksploroni atë në këmbë në liri të plotë derisa të gjendeni të bllokuar nga shkëmbinjtë dhe bimësia.
Zyrtarisht, Porto Palermo meriton një vizitë më vete. Nga lart, duket si një ishull, i rrumbullakët dhe i mbështjellë me ujë të pastër. Nga poshtë, të fton për not dhe eksplorim. Është një gji i bukur dhe i paprekur. Porto Palermo citohet rregullisht ndër destinacionet më të bukura në Evropë./ KultPlus.com
Gazeta prestigjioze franceze ‘Le Figaro’ ka përzgjedhur një fotografi interesante për t’ia uruar fitoren në zgjedhjet presidenciale kandidatit Demokrat, Joe Biden.
‘Le Figaro’ ka përdorur një ilustrim grafik të një fotografie dekorative në mur në një kafiteri, e cila mban mbishkrimin “Urime Z. President, nga Kosova me dashuri”.
Mediumi nuk ka arritur të mësojë se nga kush është publikuar fotografia fillimisht.
Sidoqoftë, kandidati Biden është zgjedhur presidenti i 46-të i Shteteve të Bashkuara të Amerikës pas një garë të ashpër me republikanin, Donald Trump, i cili synonte të merrte edhe një mandate të dytë si njeriu i parë i Amerikës.
Biden në gjithë procesin e numërimit të votave ka qenë duke prirë, derisa vendimtare ka qenë përmbysja që i ka bërë në Trumpit në shtetin e Pensilvanisë.
Tashmë Biden ka mbi 270 vota elektorale, të cilat ia mundësojnë hyrjen në Shtëpinë e Bardhë si i pari i Amerikës.
Përgjatë historisë, Joe Biden, njihet për afërsinë dhe miqësinë shumë të ngushtë me shqiptarët, sidomos me Kosovën.
Përgjatë viteve të 90-ta, ai ka qenë avokues i madh i lirisë së Kosovës dhe kishte kërkuar me ngul që SHBA të bombardonte Serbinë./ KultPlus.com
“Le Figaro” ka botuar, të enjten e 18 majit 1916, në faqen n°3, një fakt të paditur dhe personal për Ismail Qemalin, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :
Burimi : gallica.bnf.fr / Bibliothèque nationale de France
— Në kishën Notre-Dame de Montluçon u celebrua, të martën, martesa e kolegut tonë zotit Maurice Levet, drejtor i “L’Evolution politique”, me zonjushën Marguerite Troubat, vajzën e industrialistit montluçonnais.
Dëshmitarët ishin, për nusen : Zotërinjtë Georges dhe Jean Troubat, industrialistë, vëllezërit e saj; për dhëndrin: z. Maurice Raynaud, deputet, ish-ministër i kolonive dhe Shkëlqesia e Tij, Ismail Qemal beu, ish-president i Këshillit të Shqipërisë.E.L. /Shqiptarja.com /KultPlus.com
