Luiza Gega përfundon garën finale, ja ku u rendit atletja shqiptare

Luiza Gega përfundoi garën e 3 mijë metrave me pengesa. Atletja shqiptare u rendit në vendin e 13-të nga 15 finaliste. Hera e parë që një atlete shqiptare merr pjesë në finale.

Luiza Gega arriti të siguronte një vend mes 15 atleteve më të mira të botës, falë një paraqitjeje të shkëlqyer të bërë në kualifikuese. 32-vjeçarja regjistroi kohën 9.23.85, duke u pozicionuar e pesta në baterinë 2 dhe e 11-ta në renditjen e përgjithshme, në një garë ku konkurruan 41 atlete.

Gega ishte sportistja e fundit shqiptare që garoi në “Tokyo 2020”. Delegacioni shqiptar u paraqit më mirë se në “Rio 2016”, që kulmuan me Briken Caljan i katërti në botë dhe me Luiza Gegën finaliste.

https://player.boostplatforms.com/video?id=1628075684240

Luiza Gega, shqiptarja e parë që kualifikohet në finalen e atletikës në Lojërat Olimpike

Atletja Luiza Gega nga Shqipëria ka bërë historinë, duke u bërë shqiptarja e parë që kualifikohet në finalen e atletikes në Lojërat Olimpike ”Tokio 2020”, përcjell KultPlus.

Gega përfundoi garën e 3000 metrave me pengesa në kohën 9,23,85 duke u kualifikuar kështu automatikisht në finalen e madhe e cila pritet të mbahet me 4 gusht. / KultPlus.com