Etiketë: Lumturi

 ‘Lumturi Blloshmi. Nga e Para’, vjen ekspozita retrospektivë e autores në GKK

Posted on by Kult Plus

Në Galerinë Kombëtare të Kosovës, vjen ekspozita retrospektivë e artistes Lumturi Blloshmi, “Lumturi Blloshmi. Nga e Para”, shkruan KultPlus.

Kjo është ekspozita e parë retrospektivë e artistes Lumturi Blloshmi (1944–2020) në Kosovë dhe gjithashtu ekspozita pasuese e prezatimit të saj të suksesshëm në Bienalen e 59-të Venecias si pjesë e pavjonit shqiptar në 2022.

“Galeria Kombëtare e Kosovës / The National Gallery of Kosova është institucioni i parë që e mirëpret këtë ekspozitë retrospektive, akoma më të zgjeruar dhe detajuar të veprave të një ndër artisteve më të rëndësishme shqiptare duke i prezantuar publikut një pjesë domethënëse të krijmitarisë së saj më shumë se gjysëm-shekullore”, thuhet në postimin e MKRS në facebook.

Ekspozita do të përmbajë vepra të Blloshmit nga vitet e 60-ta të deri në vitin 2000, që përfshin përfshin autoportrete, peizazhe, portrete, kompozime në pikturë, fotografi e instalacione që flasin për thelbin estetik dhe realitetin personal të Blloshmit, po aq sa flasin dhe për kontekstin specifik politik dhe social në të cilin u krijuan.

Kuratore e kësaj ekspozite është Adela Demetja, ndërsa Regjisor është Tin Tin Dirdamal

Artisti i mediave interaktive: Alexander Walmsley

Arkitekte e ekspozitës: Dea Buza / Apparatstudio

Dizajni: Joreld Dhamo / Parallel Studio

Ekspozita është realizuar me mbështetje nga Ministria e Kulturës, Rinisë dhe Sportit dhe hapja e saj do të bëhet më 1 shtator në GKK./KultPlus.com

Pas publikimit të albumit, grupi arbëresh ‘Shega’ me koncerte në Kosovë e Shqipëri

Posted on by Kult Plus

Grupi muzikor arbëresh “Shega” do të nisë koncertet me Shqipërinë dhe Kosovën.

Një javë më parë grupi publikoi edhe albumin e parë me këngë arbëreshe.

Tashmë është publikuar dhe axhenda e koncerteve. Më 22 gusht grupi do të performojë në Mitrovicë në Green Fest, e më pas më 25 gusht Tek Reja në Tiranë.

Më 27 gusht grupi do të rikthehet në Kosovë ku do të performojnë në Prishtinë, në Rock United Fest, për tu rikthyer sërish në Shqipëri më 29 gusht në Dhërmi.

Grupi do të perfmojë këngët e albumit të ri si “Drita”, “Lumturi” dhe “Arianne”, të cilat janë regjistruar gjatë muajit qershor në studio muzikore.

Grupi Shega janë 5 të rinj arbëreshë nga ngulimi “Hora e Arbëreshëvet” janë bërë bashkë në sajë të pasionit për muzikën dhe për gjuhën e mëmës, të ruajtur prej gjashtë shekujsh. / KultPlus.com

The Daggs, me “Lumturi” nga Sicilia arbëreshe

Posted on by KultPlus

Të dëgjosh fjalën shqipe “lumturi” nëpër brigjet e bukura të Sicilisë është ndjenjë e rrallë dhe e veçantë. Por, të dëgjosh këngë bashkëkohore nga një komunitet mesjetar paraqet majën e gëzimit dhe qejfit.

Bendi me të rinj arbëreshë, The DAGGS nga Hora e Arbëreshëve (Piana degli Albanesi) e ofron këtë dëfrim shpirtëror me një aftësi spektakolare përmes këngëve të tyre të kënduara në arbërisht, shqipen e paraardhësve tanë.

Bashkëdyzimi i vargjeve të poetit arbëresh Paskal Renda (1955-2014) dhe i mjeshtërisë muzikore të The DAGGS çon në krijimin e një melodie mbresëlënëse siç përjetohet përmes këngës Lumturi. Kjo këngë përbën edhe videoklipin e parë të grupit arbëresh, i frymëzuar nga një udhëtim nostalgjik e përplot mall nëpër fshatrat arbëreshë të Kalabrisë dhe do lansohet me 11 maj 2020.

Lumturi është kënga e parë që do lansohet nga albumi i tyre i parë. Përderisa bendi pret me padurim të ndajë albumin e tyre me audiencë të gjerë, lansimi i tij është shtyer për shkak të koronavirusit.

Nuk mjafton vetëm të lexohet për këtë krijimtari të bukur, ajo duhet të dëgjohet patjetër.

BIO – THE DAGGS

“The Daggs” është një grup të rinjësh nga Hora e Arbëreshëve, qytezë siciliane e themeluar nga mërgimtarë shqiptarë para pesë shekujsh, në të cilën ende sot është e gjallë gjuha, kultura dhe identiteti arbëresh.

Shkruajnë kështu në gjuhën e stërgjyshërve dhe e përditshmërisë: arbërisht.

Këngët e tyre janë një nevojë shprehëse. Tregojnë dashuri për rrënjët dhe një identitet gjithmonë në udhëtim, ndër ethnos dhe stil bashkëkohor.

Ata kanë marrë pjesë në Suns Europe (Festivali Evropian i Këngës në Gjuhë Pakicash, Cagliari, 2015) dhe kanë fituar OPP! Festival-in (Favara, 2017). Kanë patur edhe ekpserienca në televizionet shqiptarë (Top Channel, TvKlan, TVSH; Digitalb) dhe italianë (Rai). Në janar 2018 kanë luar një koncert për Presidentin e Republikës së Shqipërisë, në Pallatin e Brigadave (Tiranë).

Giorgio Fusco – vokal

Saverio Guzzetta – kitare, vokale, bouzouki

Rosa Alongi – violin

Giorgio Ciulla – bas elektrik

Alessandro Ferrantelli – bateri.  /KultPlus.com

Të kesh një motër ju bën më të lumtur

Posted on by Kult Plus

Hulumtimet nga Universiteti De Montfont dhe Universiteti Ulster pretendojnë se të paturit e një motre ju bën më të lumtur dhe më optimistë.

Gjatë këtij Studimi janë intervistuar rreth 571 të rinj të moshave 17 deri në 25 vjeç për jetën e tyre dhe zbuloi se ata që u rritën me motra kishin më shumë mundësi të ishin të lumtur.

Plotësimi i pyetësorëve psikologjik të përdorur u bë për të vlerësuar një sërë çështjesh, duke përfshirë shëndetin mendor dhe një pikëpamje pozitive.

Në fund rezultoi se motrat inkurajojnë vëllezërit e motrat e tyre të jenë më të hapur dhe komunikues për ndjenjat e tyre, gjë që promovon shëndet të mirë mendor./ KultPlus.com