“Meant to be” e Bebe Rexhës, në krye të listës së këngëve më të mira të dekadës

Këngëtarja e mirënjohur shqiptare me famë ndërkombëtare, Bebe Rexha arriti edhe një sukses tjetër me këngën “Meant to Be”, në bashkëpunim me Florida Georgia Line.

Përveç se kryesoi toplistën e Billboardit për 50 javë vitin e kaluar, hyri në historinë e muzikës “country” dhe arriti miliona klikime, kjo këngë kryeson tabelën e këngëve më të mira të dekadës në këtë zhanër sipas Billboard. Lajmin e bëri të ditur artistja përmes një storie në Instagram, ku shkroi “wow”, transmeton KultPlus.

Me këtë këngë fitoi edhe shumë çmime. Kënga u publikua në tetor të vitit 2017 dhe arriti mbi 861 milionë klikime në YouTube. / KultPlus.com

“Meant to Be” e Bebe Rexhës shkruan histori

Kënga “Meant to Be” e këngëtares me renome botërore e origjinë shqiptare, Bebe Rexha, të cilën e ka bërë në bashkëpunim me Florida Georgia Line, ka shkruar histori duke qëndruar në toplistën e Billboardit për plot 34 javë.

“Meant to Be” është kënga që ka qëndruar më gjatë ndonjëherë në toplipstat e Billboardit sa i përket zhanrit Country, transmeton Koha.net.

“Jam shumë falënderuese që jam pjesë e kësaj kënge dhe shumë e nderuar me çdo javë që ajo mbetet në krye të toplistës së Billboardit”, ka thënë këngëtarja 28 vjeçare.

Gjithashtu, kujtojmë se Rexha është e nominuar edhe në “MTV Video Music Awards” po me këtë këngë në kategorinë “Bashkëpunimi më i mirë”./ KultPlus.com