Dritëhijet e periudhës së komunizmit në muzeun “Shtëpia me Gjethe”

Muzeu Kombëtar i Përgjimeve “Shtëpia me Gjethe në 5 vite rezulton i vizituar nga 72 mijë persona. Çelo Hoxha thotë se Dritëhijet e periudhës së komunizmit duhet të jenë të pasqyruara në tekstet shkollore.

Muzetë janë një formë e rrëfimit të historisë

Referuar statistikave në këtë 5-vjecar, muzeu është parë nga afër nga 72 mijë vizitorë. Drejtorja e muzeut Etleva Demollari thotë se ka pasur një interes thuajse të balancuar mes të huajve dhe shqiptarëve.

“41 mijë vizitorë janë të huaj dhe 31 mijë janë shqiptarë. Nëse flasim me përqindje 57 janë të huaj 43 shqiptar. Ka një balancë thuajse mes të huajve dhe shqiptarëve.”

Historiani dhe drejtori i Institutit të Krimeve e Pasojave të Komunizmit, Çelo Hoxha thotë se muzeu është i domosdoshëm për të dhënë një informacion të përgjithshëm. Njohja e brezit të ri me këtë periudhë është domosdoshmëri, ndaj Hoxha kërkon që kurrikulat shkollore të pasurohen  me informacion mbi krimet e komunizmit.

“Duhet të ngrihet e gjithë struktura informuese.  Edhe ky muzeu funksionon si të gjitha muzetë, njerëzit e vizitojnë marrin një mesazh. Këtu është një fragment i kësaj periudhe, pasi këtu nuk është historia e plotë e komunizmit. Shqetësuese është historia që përcjellim ne te brezi i ri, për komunizmin është e mangët, mungojnë informacione për krimet e pasojat e komunizmit.”

Por a ka ardhur koha që muzeu të pasurohet me informacione të tjera, pasi deklasifikimi i dosjeve, bën që të zbardhen dosje të kësaj periudhe?

Muzeu Kombëtar i Përgjimeve “Shtëpia me Gjethe” në vitin 2020 u nderua edhe me çmimin “Muzeu i Këshillit Evropian 2020″ mes 60 muzeve. /abcnews.al/ KultPlus.com

”Shtëpia me Gjethe” vizitohet nga rreth 7 mijë turistë të huaj

Muzeu i Përgjimeve ”Shtëpia me Gjethe” është kthyer tashmë në një atraksion turistik jo vetëm për vizitorët shqiptarë, por veçanërisht për turistët e huaj që vizitojnë Shqipërinë.

Sipas shifrave të publikuara nga Ministria e Kulturës, gjatë periudhës janar-gusht muzeu u vizitua nga 6651 turistë të huaj dhe 4633 vendas. Ndërsa vetëm në muajin gushtë të 2018, muzeu u vizitua nga 2859 vizitorë, ndërsa në 2017 nga 1528 vizitorë, pra ka një rritje prej 81% të vizitorëve në muajin gusht.

Muzeu i Përgjimeve ”Shtëpia me Gjethe” u vizitua nga vizitorë të kombësive të ndryshme si; francezë 666, italianë 426, gjermanë 157, spanjollë 120, holandezë 113 , amerikanë 108, anglezë 85, australianë 58, belgë 49, të tjerë 408. Sipas MK-së, të ardhurat gjatë periudhës janar-gusht 2018 ishin 1.553.470 lekë , 87,45% ose 724.750 lekë më shumë.

Ndërsa gjatë periudhës qershor-gusht 2018/qershor -gusht 2017, 61,6% ose 2400 vizitorë më shumë . Gjatë kësaj periudhe në 2018 u vizitua nga 6269 vizitorë, ndërsa në 2017 nga 3896 vizitorë.
Shpërndarja e vizitorëve të huaj sipas kombësisë janar-gusht 2018; italianë 1389, francezë 1125, amerikanë 735, anglezë 652 ,gjermanë 612 holandezë 540, spanjollë 271, suedezë 187, danezë 178, të tjerë 2216.
Shumica e vizitorëve të huaj në janar -gusht kanë qenë italianë, francezë dhe amerikanë. Të ardhurat për muajiin qershor- gusht 2018 dhe qershor-gusht 2017 kanë qenë 59.4% ose 1.254.950 lekë më shumë, në total 3.368.010 lekë.

Muzeu i Përgjimeve ”Shtëpia me Gjethe” është i hapur për publikun në 23 maj të vitit 2017. Ky muze, ose thesari i memories sonë kolektive, do vazhdojë të mbetet një atraksion kulturor dhe historik për vizitorët, pasi është një plagë që ka prekur brezin e shkuar dhe bën një panaromë informuese për brezin e ri, pasi i kushtohet njerëzve të pafajshëm që u arrestuan, internuan, torturuan dhe vuajtën dënime të rënda për shkak të përgjimeve, kontrolleve e spiunimeve gjatë regjimit komunist, shumica e të cilave kryheshin nga kjo shtëpi.

E ndërtuar në vitin 1931, godina e njohur në Shqipëri si “shtëpia e gjetheve”, fillimisht ka pasur funksionin e një klinike. Gjatë Luftës së Dytë Botërore, nën pushtimin gjerman, ajo i përkiste Gestapo-s, ndërkohë që fill më pas, gjatë viteve të para të regjimit të ri, ajo u bë një qendër e Sigurimit (Policia politike) e përdorur për hetime. Nga viti 1950 ajo u bë zyra qendrore e seksionit teknik dhe shkencor të sigurimit./k.s/j.p/ KultPlus.com