Etiketë: ndotja

Ndotja akustike, masa për subjektet që shkelin ligjin në zonat bregdetare

Posted on by Kult Plus

Shërbimet e Policisë në të gjithë vendin e veçanërisht në zonat bregdetare e urbane, po vijojnë kontrollet gjatë fundjavës, për monitorimin e lokaleve dhe hoteleve, për zbatimin e orarit të lejuar për muzikën.

Masat synojnë parandalimin e ndotjes akustike, si dhe zgjidhjen e ankesave dhe shqetësimeve që adresohen nga qytetarët.

Policia e Shtetit apelon për të gjithë administratorët dhe pronarët e lokaleve dhe hoteleve, që të zbatojnë me rigorozitet ligjin dhe rregullat në lidhje me ndotjen akustike, pasi në rast të konstatimit të ndotjes akustike, shërbimet e Policisë do të sekuestrojnë pajisjet që gjenerojnë muzikë dhe do të procedojnë sipas ligjit, shtetasit përgjegjës.

Po ashtu, Policia e Shtetit fton qytetarët që të denoncojnë në 112 çdo rast të paligjshmërisë duke ju garantuar anonimat të sigurt dhe reagim të menjëhershëm e profesional./atsh/KultPlus.com

Ndotja e lumejve – peshku ngordh nga pamundësia për të nxerrë kokën jashtë qesës

Posted on by Kult Plus

Në shumë vende të botës po luftohet çdo ditë e më shumë që përmes kauzave dhe thirrjeve të vazhdueshme të mos bëhet ndotja e ujit, shkruan KultPlus.

Aktivitetet njerëzore janë përgjegjëse kryesore për ndotjen e ujit, e ndotja e ujit prek rëndë peshqit dhe rezulton vdekjeprurëse për ta.

Si rezultat i ngordhjes së peshqve në ujë, një liqen ose përrua mund të marrë vite për t’u rikuperuar.

Fotografisti Arian Mavriqi ka ndarë një fotografi të ngjashme me këtë rast, ku ka zënë një peshk i cili ka futë kokën në një qesë të hedhur nga ndokush, me ç ‘rast ka ngordhë nga pamundësia për ta nxerrë kokën jashtë qesës. /KultPlus.com

dead fish floated in the dark water, water pollution - dead fish floated in the dark water, water pollution | Wasserverschmutzung, Fische, Umgebung

IKSHPK: Kosova së shpejti me raportim mbi cilësinë e ajrit në kohë reale

Posted on by Kult Plus

Instituti Kombëtar i Shëndetit Publik ka mbajtur konferencë me Fondacionin e Mileniumit të Kosovës, ku është diskutuar për projektin i cili do t’i informoj qytetarët për cilësinë e ajrit, shkruan KultPlus.

Ky projekt do të siguroj raportimin mbi cilësinë e ajrit në kohë reale në 12 stacione monitoruese.

‘’Portali për Cilësinë e Ajrit, aplikacioni mobil dhe nënfaqja e CA në ueb-faqen e IKSHP janë disa nga mjetet interaktive, të zhvilluara nga projekti për cilësinë e ajrit, të cilat do t’i vihen në dispozicion të publikut në masë të madhe, duke iu mundësuar atyre kontrollimin e niveleve të ndotjes së ajrit’’, thuhet në njoftimin e Institutit Kombëtar të Shëndetit Publik.

Synimi kryesor i këtij projekti mbetet informimi i saktë dhe i besueshëm i qytetarëve për cilësinë e ajrit, në tentim të përmirësimit të shëndetit publik dhe zvogëlimit të ndotjes.

‘’Fushtata mbarëkombëtare për vetëdijësim për cilësinë e ajrit është planifikuar të fillojë në fund të muajit nëntor në Kosovë me qëllim që të informojë publikun në lidhje me rreziqet ndaj shëndetit të shkaktuara nga ndotja e ajrit dhe masat që duhet t’i ndërmarrin për t’a mbrojtur veten, kështu duke ndryshuar shprehitë e tyre dhe duke bërë përpjekje për të zvogëluar nivelin e ndotjes, veçanërisht gjatë stinës së dimrit’’, njofton IKSHPK.

Kjo fushatë është njëra nga aktivitetet kryesore brenda fushëveprimit të projektit “Furnizimi i Menaxhimit të Projektit, Menaxhimit të Informacioneve për Cilësinë e Ajrit, Ndryshimin e Sjelljes dhe Shërbimet e Komunikimit”, mbështetur nga Korporata e Sfidave të Mileniumit (MCC) dhe MFK, implementuar nga NIRAS. /KultPlus.com