“Shyqyr që kjo botë e vjetër nuk sillet rreth vetes ma shpesh”

Poezi nga Plator Gashi

sado q’e ka beku perenia
shyqyr që kjo botë e vjetër
nuk sillet rreth vetes ma shpesh —
a ish duru me i shqyrtu kaq dendun
gabimet e bame, zhgënjimet e kryme,
vdekjet e vogla;
e me kujtu se
ngazëllimet e lumturiçkat
janë batisë në det e tash u nihet veç
amëza nji herë në hanë tu gjezdisë udhëve kot
a ish duru
more a ish duru me u përloshë ma shpesh për çdo
tutë e pasiguri e rrebe
qi e ka tharbë vjetin
e njerëzit rreth teje a ish duru
ma shpesh se nji herë mas treqinegjashtepesë
ditëve e netve
jo për besë, fishekzjarret shkreptijnë sikur sinapsat
gjatë kësaj mbramjeje
bre sa mirë me i kujtu ftyrat e buzagaze në
Tiranë e në Prizren, bre sa të kojshme puthjet
po ma mirë mos me i kujtu se edhe ashtu shpesh
po më bjen me bredhë si halë bredhi nëpër stuhi
e çdo herë qi i qes ndër mend ua përshkëllin ngjyrat
deti
po kënaqna tu e ditë
qi dymijenjizeteteta asht vit i brishtë — perishtup,
e ka me ma falë nji ditë ma shumë
vonese, qetësie. / KultPlus.com

‘Kur shkoj në bregdet rana asht e njomun me lot që m’ngjajnë si t’mitë edhe pse kurrë nuk kaj’

Mëngjes’ nga Frank O’Hara, (viti i panjohun)

Përktheu: Plator Gashi

më duhet me të kallxu
se qysh të due përherë
më shkon mendja andej në mëngjese
të përhimta me vdekje
në gojën teme çaji
nuk asht kurrë mjaft i nxehtë
aso kohe dhe cigarja
e thatë rroba ngjyrë gështenje
më mërdhin më duhesh
dhe sodis nga dritarja
borën e heshtun
natën te limani
autobusët ndrijnë si
re dhe unë jam i vetmuem
tuj mendu për fyella
më merr malli për ty gjithherë
kur shkoj në bregdet
rana asht e njomun me
lot që m’ngjajnë si t’mitë
edhe pse kurrë nuk kaj
dhe të mbaj në
zemër me nji humor
të njimendtë me t’cilin ishe krenu
parkingu asht
i ngjeshun dhe rri
tuj i kërsitë çelësat kerri
asht i shpraztë sikur bicikletë
çka po ban tash
ku e ke hangër
drekën dhe a pat
naj trohë peshk n’ta
asht vështirë me mendu
për ty pa veten teme
në fjali ma këput shpirtin
kur je vetëm
mbramë yjet
ken të shumtë dhe sot
e kanë lanë borën si kartelë
vizite s’kam me qenë i përzemërt
asgja nuk
më huton muzika asht
vetëm fjalëkryq
a e din se qysh asht
kur je udhëtari
i vetëm nëse ka ndoj
vend ma larg nga unë
të lutem mos shko. / KultPlus.com

Plator Gashi me performancë live sonte në KultPlus Caffe Gallery, në kuadër të ekspozitës “Pen For Culture”

Projekti i ProPus-it “Pen For Culture” në fushën e pikturës sot përmbyllet përmes një ekspozite në KultPlus Caffe@Gallery në Prishtinë duke filluar nga ora 19:00 me ç’rast do të prezantohen të gjitha punimet e realizuara gjatë kësaj punëtorie, shkruan Kultplus.com.

Gjatë kësaj mbrëmjeje në KultPlus Caffe@Gallery do të performojë live këngëtari i njohur Plator Gashi.

Projekti “Pen For Culture” është financuar nga Ambasada e Shteteve të Bashkuara të Amerikës.