qendra e tiranes - KultPlus

Qendra e Tiranës u kthye mbrëmjen e djeshme në një festë të vërtetë të muzikës shqiptare.

Në skenën e ngritur përballë Teatrit të Operas dhe Baletit u organizua një mbrëmje gala me artistët më të rinj të Ansamblit Popullor.

Në programin e këtij koncerti ishin përzgjedhur këngët dhe vallet tradicionale shqiptare më të njohura dhe më të mirat që përmban repertori I folklorit të vendit tonë.

Deputues në këtë skenë ishin 35 te rinj, vokalistë dhe valltarë të cilët u trajnuan intensivisht për tre muaj rresht në “Studio Ansambël.

TKOB gjithashtu me këtë event të organizuar, përmbylli edhe kalendarin artistik Janar – Korrik 2021.

Drejtoresha e TKOB, Zana Çela shprehet: “Me një sensibilitet të veçantë për përkrahjen e të rinjve Kryetari i Bashkisë së Tiranës, Erion Veliaj shprehu vlerësimin dhe falenderimin e madh për përkrahjen e artistëve të rinj që prekin skenën e TKOB dhe ato të Tiranës”.

Ajo ka theksuar se artistët deputues në këtë koncert janë “Artistët e së Ardhmes”.

Festa e madhe vijoi me këngët dhe vallet që kanë bërë historinë e muzikës popullore shqiptare, interpretuar nga yjet e rinj të skenës shqiptare. / ATSH / KultPlus.com

Fotografi Roland Tasho në ekspozitën e tij të hapur së fundi, ka paraqitur një kolazh fotografish ku shihet qendra e Tiranës. Aty vërehen ndryshimet që ka pësuar kjo qendër ndër vite.

Fotografi Roland Tasho ka kaluar shumë kohë në qendër të qytetit ku edhe ka realizuar me qindra fotografi. Mirëpo fotografitë që ai i ka realizuar pikërisht në qendër të qytetit të Tiranës zbulojnë edhe ndryshimet në këtë qytet që kanë ndodhur ndër vite.

“Kam vendosur që të paraqitem me këto fotografi sepse nuk më ka pëlqyer asnjëherë ndryshimi i vazhdueshëm i qendrës së Tiranës”, është shprehu ai për përzgjedhjen e tij në kuadër të ekspozitës e cila ishte kolektive.