Hana Zeqa, sot në Qendrën Informative dhe Kulturore të BE-së

Qendra Informative dhe Kulturore e BE-së në Prishtinë ju fton të flisni me kostumografen Hana Zeqa, më 20 gusht në orën 17.00.

Kostumografja Hana Zeqa, aktualisht është duke punuar projektin e saj të titulluar ‘Organic Extimorph’ – një projekt ndërdisiplinor dhe i bazuar në hulumtime që bashkon kostumet, dizajnin e ndërveprimit, kodimin krijues dhe artet interpretuese.

Duke përdorur veshje si mjet kryesor të shprehjes, ExtiMorph Organic shqyrton mundësitë e përfshirjes së teknologjisë së të ardhshmes në artet e interpretimit, duke mundësuar transformimin e rrobave dhe rritjen e ndërveprimit nëpërmjet teknikave të përdorura në Dizajnin e Modës dhe Kostumeve si dhe inxhinieri e teknologjisë së veshjeve.

Projekti mbështetet nga Programi i Kulturës për Ndryshim i financuar nga BE./ KultPlus.com

HAVEIT të premten në Qendrën Informative dhe Kulturore të BE-së

Qendra Informative dhe Kulturore e Bashkimit Evropian në Prishtinë, të premten do të organizojë një diskutim me HAVEIT, rreth artit të tyre si një formë proteste, metodologjisë së tyre dhe arsyeve se përse zgjodhën këtë medium të shprehjes për të angazhuar publikun gjersa merren me problemet shoqërore, shkruan KultPlus.

HAVEIT, grupi i përbërë nga Alketa Sylaj, Hana Qena, Vesa Qena dhe Arbërore Sylaj, u krijua në vitin 2011 dhe që atëherë ato kanë sjellë performanca në rrugë, video-instalacione dhe foto-performanca.

HAVEIT, përmes protestës artistike dhe performancave kanë përdorë qendrën e qytetit si skenë për të luftuar nacionalizmin, diskriminimin ndaj komunitetit LGBT dhe shtypjen gjinore.

HAVEIT me shfaqjet e tyre të bazuara në aktivizëm vazhdimisht shtyjnë përpara çështjet që zakonisht konsiderohen si të papërshtatshme në shoqëri.

Të gjithë të interesuarit për të përcjellë këtë diskutim i cili fillon në ora 16:00, mund të rezervojnë vendet e tyre në: [email protected]/KultPlus.com