Egjipti gjen anije të lashtë ushtarake dhe varre greke në qytetin e fundosur

Zhytësit kanë zbuluar mbetje të rralla të një anije ushtarake në qytetin e lashtë të mbytur të Thônis -Heracleion, dikur porti më i madh i Egjiptit në Mesdhe dhe një kompleks funerale që ilustron praninë e tregtarëve grekë, transmeton KultPlus.

Qyteti, i cili kontrollonte hyrjen në Egjipt në grykën e një dege të Nilit, dominoi zonën për shekuj para themelimit të Aleksandrisë.

I shkatërruar dhe i përmbytur së bashku me një zonë të gjerë të deltës së Nilit nga disa tërmete dhe valë baticash, Thônis-Heracleion u rizbulua në 2001 në gjirin Abu Qir pranë Aleksandrisë.

Anija ushtarake, e zbuluar nga një mision egjiptian-francez i udhëhequr nga Instituti Evropian për Arkeologjinë Nënujore (IEASM), u fundos kur tempulli i famshëm i Amunit u shemb.

Një studim paraprak tregon se trupi i anijes 25 metra me fund të sheshtë, me lopata dhe një velë të madhe, ishte ndërtuar stilin klasik dhe gjithashtu kishte tipare të ndërtimit të Egjiptit të Lashtë, tha ministria e Turizmit dhe Antikiteteve të Egjiptit./KultPlus.com

Një shportë 2,400 vjeçare ende e mbushur me fruta u gjet në qytetin e zhytur egjiptian

 Studiuesit që po studiojnë në qytetin e zhytur të Thônis-Heracleion, në gjirin egjiptian të Abū Qīr, kanë zbuluar shporta me fruta të xunkthit të datuara që nga shekulli i katërt p.e.s.

Në mënyrë të pabesueshme, enët ende përmbajnë arra të buta, që është frut i një palme afrikane që konsiderohej i shenjtë nga egjiptianët e lashtë, dhe fara rrushi, transmeton KultPlus.

Foto: Christoph Gerigk / Franck Goddio / Hilti Foundation)

“Asgjë nuk ishte shkatërruar” thotë arkeologu detar Franck Goddio për Guardian. “Ishte shumë goditëse të shihje shporta me fruta.”

Goddio dhe kolegët e tij në Institutin Evropian për Arkeologjinë Nënujore (IEASM) zbuluan kontejnerët në bashkëpunim me Ministrinë e Turizmit dhe Antikiteteve të Egjiptit. Studiuesit kanë vëzhguar qytetin e lashtë port mesdhetar të Thônis-Heracleion që nga rizbulimi i tij në vitin 2001, sipas Egypt Independent.

Shportat u ruajtën në një dhomë nëntokësore dhe mund të kenë qenë të ofruar gjatë varrimit, raporton Greek City Times.

Aty pranë, studiuesit gjetën një tumë varrimi, dhe një koleksion ekstravagant të mallrave të varrimit grek që ndoshta u lanë nga tregtarët dhe mercenarët që jetonin në atë zonë.

“Kudo gjetëm dëshmi të materialit të djegur,” thotë Goddio në një deklaratë.

Objekte të tjera të gjetura mbi ose rreth tumës përfshinin qeramikë të lashtë, objekte prej bronzi dhe figura që përshkruanin perëndinë egjiptiane, Osiris.

“Ne gjetëm qindra depozita të bëra prej qeramike,” thotë Goddio për Guardian. “/KultPlus.com

Foto: Frank Goddio