Saimir Stratit i dhurohet Çelsi i nderit në Turqi

Artistit shqiptar së fundi i është dhuruar Çelsi i nderit në Turqi, shkruan KultPlus.

Ai është futur në Librin e Rekordeve të Guiness për herën e 11-të.

Strati vetë ka njoftuar në Facebook se me gozhda ka krijuar një mozaik me fytyrën e Kemal Ataturk – ai që konsiderohet si themeluesi i Turqisë dhe President nga viti 1923-1928.

Puna e tij po ekspozohet në Nigde të Turqisë. Por, kjo punë e Stratit është nderuar edhe me një cmim tjetër, pasi në qytetin e Bor të Turqisë i është dorëzuar Çelsi i nderit./KultPlus.com

Saimir Strati ka nisur punën për Guinness-in e njëmbëdhjetë në Itali (FOTO)

Artisti i njohur shqiptar, Saimir Strati i cili vitin e kaluar mori çmimin e dhjetë Guinness, tashmë ka nis punën për portretin e radhës me të cilin pretendon ta marrë Guinness-in e njëmbëdhjetë, shkruan KultPlus.

Ai përmes një publikimi në rrjetin social Facebook, ka bërë të ditur se portretin të cilin e ka nis më 1 dhjetor në Assisi Italy , do ta përfundojë më 10 janar 2018-të, dhe me këtë portret pretendon Guinness-in e njëmbëdhjetë të tij.

Rikujtojmë se Saimir Strati, vitin e kaluar mori çmimin e dhjetë Guinness, me portretin e Nënës Terezë, të cilin e punoi në Kosovë, pikërisht në Muzeun e Kosovës, të cilit edhe ia ka bërë dhuratë këtë portret madhështorë të punuar me kopsa teli./ KultPlus.com

Mozaiku i Nënë Terezës futet në Listën e Trashëgimisë Kulturore për Mbrojtje të Përkohshme

Ndër 46 asetet e reja që tashmë janë aprovuar që të hyjnë në Listën e Trashëgimisë Kulturore për Mbrojtje të Përkohshme, është edhe mozaiku i ‘Nënë Terezës’ i punuar nga artisti Saimir Strati, shkruan KultPlus.

Kjo vepër e punuar me kapëse teli me një dimension prej 10 metra katrorë, artistit Strati i ka sjellë rekordin e dhjetë Guinness. Portreti ka një vend të veçantë në Muzeun e Kosovës, dhe për tu punuar janë përdorë rreth 1 milion e 500 mijë tela të bardhë dhe ngjyrë kafe. Kësisoj ky mozaik ka marrë pamjen në 3D dhe tashmë është nën Mbrojtje të Përkohshme./ KultPlus.com