Etiketë: san demetrio corone

Në San Demetrio Corone një shesh do të mbajë emrin e artistit Pino Cacozza

Posted on by Kult Plus

Një vit pas ndarjes nga jeta komuniteti arbëresh në San Demetri Corone ka inauguruar ditën e djeshme sheshin Pino Cacozza. Një homazh për veprën dhe artistin arbëresh.

Vendosja e pllakës përkujtimore në kujtim të Pino Cacozza-s me u realizua me iniciativën e Administratës Komunale të Komunës San Demetrio Corone.

Në ceremoninë solemne ishte i pranishëm kryetari i bashkisë San Demetrio Corone Dr. Ernesto Madeo dhe Këshilltari me delegacionin e Kulturës Avv Emanuele D’Amico, Papas don Andrea Quartarolo, profesor. Alfonso Costanza (Drejtor i shkollës Ezio Aletti Instituti i Trebisacce), vajza e artistit, Dr. Nicoletta Cacozza dhe shumë të ftuar të tjerë. / KultPlus.com

Rikthehet Festivali i Këngës Arbëreshe në Kalabri

Posted on by Kult Plus

Pas një ndërpreje thuajse dy vjeçare, në Horën e Arbëreshëve do të jehojë kënga dhe vallja shqiptare.

Kësaj radhe Festivali i XXXIX- të, do të zhvillohet përmes një koncerti me grupe dhe solistë eminentë arbëresh, kësaj të shtune, më 21 gusht 2021, në orën 20:30.

Festivali do të zhvillohet në Shën Mitër, siç njihet San Demetrio Corone nga shqiptarët, në këtë qytezë me peshë sa kulturore e arsimore aq edhe e historike, jo vetëm për arbëreshët, por edhe për mbarë shqiptarinë, me që aty veproi me shumë sukses kolegji i mirënjohur Shën Adriano (1794) e ku ligjëroi edhe poeti ynë i madh rilindës Jeronim De Rada. Po aty pati nxënës edhe nga Shqipëria, që do të bëheshin më vonë emra të njohur të lëvizjeve kulturore e atdhetare.

Shën Mitri apo San Demetrio Corone është një ndër qendrat më të rëndësishme të komunitetit arbëresh, edhe nga fakti se ka ruajtur gjuhën, zakonet, kulturën, ritet fetare dhe identitetin etnik të tij. / KultPlus.com