Etiketë: SHPËRTHEN

Vullkani shpërthen për të 12-tën herë në katër vjet

Posted on by Kult Plus

Gadishulli Reykjanes i Islandës përjetoi shpërthimin e 12-të vullkanik në pak më shumë se katër vjet, ndërsa lava shpërtheu nga një çarje pas një serie tërmetesh orë më parë.

Zyra Meteorologjike Islandeze konfirmoi shpërthimin pak para orës 04:00 GMT, duke thënë se një çarje me madhësi 700 deri në 1 000 metra ishte hapur në gadishullin me popullsi të pakët në jugperëndim të Reykjavík.

Pamjet e drejtpërdrejta nga transmetuesi publik RÚV treguan lavë të kuqe të ndezur që dilte nga çarja në tokë.

Ekspertët e përshkruan vendndodhjen e shpërthimit si të favorshme, pa kërcënim të menjëhershëm për njerëzit ose infrastrukturën në qytetin e afërt të peshkimit Grindavík.

”Megjithatë, autoritetet evakuuan një vend kampingu dhe banjën gjeotermale popullore Blue Lagoon si një masë paraprake”, raportoi RÚV.

Nuk kishte ndërprerje të pritura në trafikun ajror ndërkombëtar nga Aeroporti Keflavík, qendra kryesore e aviacionit të Islandës.

Shpërthimi është i nënti që nga fundi i vitit 2023 dhe i 12-ti që nga fillimi i vitit 2021.

Një shpërthim i mëparshëm ndodhi në prill dhe zgjati vetëm disa ditë.

Ekspertët nuk e kishin pritur ngjarjen tjetër deri më vonë gjatë vitit./atsh/ KultPlus.com

Momenti kur raketa SpaceX shpërthen gjatë testimit (VIDEO)

Posted on by Kult Plus

Një transmetim i drejtpërdrejtë ka kapur momentin kur një raketë SpaceX Starship shpërtheu në një top zjarri gjigant ndërsa po përgatitej për një fluturim testues.

Incidenti ndodhi të mërkurën në mbrëmje rreth orës 23:00 në Qendrën e Testimit Massey në Teksas, raporton BBC.

Në një komunikatë, kompania tha se nuk u shkaktuan lëndime. Ata thanë se nuk kishte rreziqe për komunitetet përreth dhe iu kërkuan njerëzve të mos i afroheshin zonës.

Shpërthen vullkani Etna

Posted on by Kult Plus

Udhëtimi për në ishullin italian të Sicilisë është aktualisht i ndërprerë për shkak të shpërthimit të vullkanit Etna.

Aeroporti ndërkombëtar i Katanias është mbyllur për shkak të llavës dhe hirit që ka pushtuar vendin.

“Pezullimi do të rezultojë në anulime dhe/ose ndryshim të rrugës drejt aeroporteve të tjera”, duke thënë se operimet normale do të rifillonin sapo të mbaronin reshjet e hirit”, theksohet në njoftimin e aeroportit.

Linja ajrore Aeroitalia ka raportuar se aeroporti do të jetë i mbyllur deri në orën 18:00 të mbrëmjes së sotme.

Sipas mediave të huaja, asnjë fluturim nuk zbarkohet ose niset në Catania që është në bregun lindor të ishullit.

Disa fluturime janë duke u devijuar në aeroportin e Palermos dhe Comiso ndërsa të tjera janë anuluar.

Autoritetet e aeroportit po këshillojnë pasagjerët që duhet të fluturojnë nga Catania që të kontrollojnë statusin e fluturimit të tyre përpara se të nisen për në aeroport.

Megjithëse nuk janë dhënë numra zyrtarë, bordet e nisjes së aeroportit aktualisht tregojnë fluturime të anuluara deri në orën 14:00 me orën lokale.

Megjithëse shumë prej tyre janë anuluar plotësisht, disa fluturime po devijohen në aeroporte të tjera në Siçili.

Siçilia është ishulli më i madh në Mesdhe. Është dyfishi i madhësisë së Qipros dhe duhen të paktën tetë orë për të vozitur nga lindja në perëndim./tch/ KultPlus.com

Shpërthen vullkani në malin Etna në Itali (VIDEO)

Posted on by Kult Plus

Mali Etna në Sicili, vullkani më aktiv në Evropë, ka shpërthyer të dielën mbrëma, ndërsa kjo ngjarje është kapur nga kamera.

Autoritetet italiane kanë thënë se vullkani është futur në fazën “para-alarmimit”, duke e rritur nivelin e paralajmërimit nga F0 në F1.

Etna shpesh shpërthen, mirëpo rrallë aktivitetet e saja rezultojnë në dëme të mëdha.

Mediat në botë kanë shpërndarë video ku shihet shpërthimi i llavës vullkanike: