Dua Lipa shkëlqeu në koncertin e saj të drejtpërdrejtë “Studio 2054”

“Studio 2054” mbajti emrin e performancës së djeshme të drejtpërdrejtë të yllit shqiptar, Dua Lipa, shkruan KultPlus.

Asaj iu bashkuan Elton John, degë të FKA, Bad Bunny, Miley Cyrus, Kylie Minogue dhe të ftuar të tjerë gjatë koncertit.

“Future Nostalgia”, “Levitating”, “Break my Heart”, “Phycial”, “New Rules”, “Don’t start now” ishin disa prej këngëve që zëri i magjishëm i Lipës i jetësoi, duke i bërë artdashësit e saj të kenë momente të paharrueshme.

Ajo poashtu ka shpërndarë në Instagram disa foto nga ngjarja e djeshme, duke falenderuar një listë të gjatë njerëzish, të cilët e ndihmuan që “Studio 2054” të vie në formën më të mirë të mundshme.

“woweeeeeee ja ku e keni !!!!! Nuk mund të besoj se e gjithë kjo është bërë! Faleminderit shumë për të gjitha mesazhet tuaja të mrekullueshme për # Studio2054 🚀❤️ Do të doja ta riktheja atë moment pa pushim.. deri herën tjetër !!”, ka shkruar Dua.

Tutje, ajo ka theksuar rëndësinë e unfikimit të njerëzve të talentuar për ta sjellur “Studio 2054”.

“Faleminderit çdo personi të vetëm që më ndihmoi të bëja një show si kjo. Me të vërtetë nevojitet një ushtri që është grupi më i talentuar, i jashtëzakonshëm, kreativ dhe më i palodhshmi në biz!! Ndihem me fat që kam punuar me të gjithë ju dhe që ndava këtë moment që do të jetojë në zemrën time përgjithmonë !!”, shtoi Lipa.

Studio “2054” dëshmoi edhe një herë për sukseset që di t’i arrij Dua Lipa. / KultPlus.com

Dua Lipa paralajmëron ‘Studio 2054’ që transmetohet live edhe në vendin tonë

Admiruesit e Dua Lipës do të kenë rastin ta dëgjojnë yllin kosovar duke performuar live në ‘’Studio 2054’’, teksa biletat për këtë ngjarje të madhe kanë filluar të shiten, shkruan KultPlus.

Biletat për Dua Lipa Studio 2054 të gjithë dashamirët e këngëtares mund t’i blejnë në platformën Festtix, teksa ngjarja do të transmetohet live edhe në Kosovë.

Më 27 nëntor duke filluar nga ora 21:30 në ‘’Live Now’’, Lipa do të debutoj nëpër setet e krijuara posaqërisht për këtë ngjarje.

‘’Dua do të lëvizë nëpër setet e krijuara posaçërisht për shfaqje, ndërsa ofron një shfaqje surreale televizive në disko me rrota, vallëzimeve ekstatike, në skena të lëvizshme, sallone të modës dhe dhoma të zhveshjes të bëra për diva’’, thuhet në njoftimin e mediave.

Tutje është bërë e ditur edhe se me cilat këngë do të shkëlqej Dua Lipa, duke e bërë performancën e saj një natë të paharruar.

‘’Me perfomanca të pjesëve të albumit “Future Nostalgia”, “Club Future Nostalgia” dhe albumin e saj debutues, asaj do t’i bashkohen edhe shumë super-yje botërore të muzikës që janë ftuar të papritur, për të dhënë një shpërthim euforik lumturie dhe kohë të mira’’.

Biletat për këtë ngjarje mund të blihen nga sot në https://festtix.co.uk/. / KultPlus.com