U nderua në Prishtinë fotografi Willem Poelstra

Në kohën kur në Amsterdam po kremohej trupi i tij, në Kino Armata të Prishtinës u ndezën qirinjë dhe u thanë fjalë nderi për fotografin Poelstra, i cili vdiç ditë më parë në qytetin e tij të lindjes.

Përkundër betejës së vazhdueshme me kancerin, ai realizojë të gjitha planet që kishte, duke përfshirë ekspozitën në Prishtinë dhe Beograd, publikimin e librit For Hanna, Future Stories from the Past… si dhe themelelimin e fondacionit For Hanna, i cili tashmë ofron mbështetje për projekte dokumentare.

Në fundjavën që shkoi, u mbajt ceremonia lamtumirëse për nder të fotografit holandez Willem Poelstra, i cili dokumentoi pasojat e luftës në Kosovë për pesë vite.

Willem Poelstra ndërroi jetë të shtunën, më 13 Tetor në orën 11:05 në shtëpinë e tij në Amsterdam pas një lufte të furishme me sarkomë.

Ai ishte 62 vjec, ndërsa udhëtimin e tij i në karrierë e filloi në detin e hapur si zhytës, vazhdoi me sektorin e reklamave dhe përfundoi me fotografi dokumentare, ku njihej për mjeshtërinë e trajtimit të çështjeve sociale.

Projekti i tij i fundit ishte for Hanna, Future Stories from the Past (shqip: për Hanna-n, Tregime të së Ardhmes nga e Kaluara…) në të cilin fotografi tregon historinë personale të prindërve të tij pas Luftës së Dytë Botërore, përmes tregimeve të pasluftës në Kosovë, duke synuar të dëshmojë se dialogu është thelbësor për të evituar përsëritjen e historisë. /KultPlus.com

Në ceremoninë lamtumirëse morri pjesë edhe Ambasadorja e Holandës në Kosovë, zonja Gerrie Willems si dhe miq e bashkëpunetor të ngushtë të fotografit Poelstra, në Kosovë.

Ceremonia u shoqërua me muzikë të përzgjedhur nga vet fotografi Poelstra për ceremonitë mortore të tij, kurse kjo ceremoni u organizua nga mikeshat dhe bashkëpunëtoret e ngushta të tij, Erëblina Elezaj dhe Dafina Muçaj.

Sonte në ARMATA, ceremonia lamtumirëse për fotografin që dokumentoi pasojat e luftës në Kosovë

Sonte në Kino ARMATA, në Prishtinë duke filluar nga ora 17:30 do të mbahet ceremonia lamtumirës për nder të fotografit holandez Willem Poelstra, i cili dokumentoi pasojat e luftës në Kosovë për pesë vite, shkruan KultPlus.

Willem Poelstra ndërroi jetë të shtunën, më 13 Tetor në orën 11:05 në shtëpinë e tij në Amsterdam pas një lufte të furishme me sarkomë.

Ai ishte 62 vjeç, ndërsa udhëtimin e tij i në karrierë e filloi në detin e hapur si zhytës, vazhdoi me sektorin e reklamave dhe përfundoi me fotografi dokumentare, ku njihej për mjeshtërinë e trajtimit të çështjeve sociale.
Projekti i tij i fundit ishte “for Hanna, Future Stories from the Past…” (shqip: për Hanna-n, Tregime të së Ardhmes nga e Kaluara…) në të cilin fotografi tregon historinë personale të prindërve të tij pas Luftës së Dytë Botërore, përmes tregimeve të pasluftës në Kosovë, duke synuar të dëshmojë se dialogu është thelbësor për të evituar përsëritjen e historisë.

Photo: Majlinda Hoxha

Përkundër betejës së vazhdueshme me sëmundjen, Willem arriti t’i realizojë të gjitha planet që kishte me këmbëngulësi. Nga viti 2016 realizoi ekspozitë në Prishtinë dhe Beograd, publikoi librin “For Hanna, Future Stories from the Past…”, si dhe themeloi fondacionin For Hanna i cili ofron mbështetje për projekte dokumentare që synojnë të nxisin debat publik përmes formave të ndryshme të mediale. /KultPlus.com

Ambasada e Holandës në Kosovës: Fotografi Willem Poelstra na e la trashëgimi shpresën

Fotografi Willem Poelstra i cili dokumentoi përmes fotografive të tij luftën dhe paqen në Kosovës ka vdekur ditë më parë në moshën 62-vjeçar.

Vdekja e tij ka pikëlluar shumë njerëz mirëpo sipas telegramit të Ambasadës së Kosovës në Holandë, pas vdekjes së tij nga ai do të na mbet si trashëgimi shpresa. Shpresa, e cila do na bëjë që edhe në situata të vështira dhe pavarësisht paragjykimeve dhe urrejtjes të cilat mund të jenë rrënjosur thelle, të besojmë që është e mundur që njerëzit të mësojnë nga njëri-tjetri dhe të gëzohen për gjërat që i bashkojnë dhe jo të vëmë në pah ato që na ndajnë.

“Willem ishte një fotograf i cili i kushtoi jetën e tij profesionale luftës kundër paragjykimeve dhe ndërtimit të urave brenda komuniteteve. Ai ishte një vizitor i rregullt në Kosovës ku edhe kishte shkruar librin e tij “ “For Hanna, Future Stories from the Past” (Për Hannan, rrëfime të ardhshme nga e kaluara)”, thuhet në telegramin e ngushëllimit.

Dy vite me parë në Prishtine, fotografi Willem Poelstra, kishte hapur edhe një ekspozitë me punimet e tij./ KultPlus.com

Poelstra, fotografi që dokumentoi luftën e paqen në Kosovë

Poelstra, fotografi që dokumentoi luftën e paqen në Kosovë

Amsterdam, 15 tetor – Willem Poelstra ishte fjalëpak, por në të njëjtën kohë jashtëzakonisht i lidhur me subjektet e fotografive të tij dokumentare. Ai vdiq në Amsterdam në moshën 62-vjeçare.

Në njërën prej fotografive të opusit të gjerë të fotografit paraqitet një çift i rëndomtë në Kosovë. Personazhet janë të ulur në divan, janë të relaksuar, me këpucët zbathur. Ai është katolik. Gruaja e tij është myslimane. Ata ishin çift para se lufta në Kosovë të acaronte raportet ndërmjet serbëve ortodoksë dhe shqiptarëve myslimanë. Tani që dhuna ka përfunduar, ata ende janë bashkë. Dhe në sytë e Willem Poelstras çifti është simbol i shpresës për të ardhmen. Jo vetëm për kosovarët, por për këdo që është kapur në urrejtje ndaj myslimanëve apo formave të tjera religjioze a fanatizmit politik. Poelstra e ka dëshmuar: dashuria mund ta mposhtë urrejtjen, shkruan Volkskrant, ndërsa këtë e transmeton “Koha Ditore”.

Seria e titulluar “For Hanna, Future Stories from the Past” (Për Hannan, rrëfime të ardhshme nga e kaluara) është ajo në të cilën ka punuar fotografi nga Amsterdami në ditët e fundit të jetës së tij, me shumë disiplinë, kokëfortësi dhe i përkushtuar si gjithmonë. Kjo punë e kishte dërguar atë shpeshherë në Ballkanin e ndarë nga lufta, veçanërisht në Kosovë. Kur u diagnostikua me kancer para disa vjetësh, ai vendosi të udhëtonte në Kosovë për të realizuar një seri të fotografive, para se t’i nënshtrohej trajtimit mjekësor. Rezultatet e para të përpjekjeve të tij ishin parë në festivalin e fotografisë “Breda Photo Festival” më 2012. Kemioterapia dhe rrezatimet që bëri nuk ia shpëtuan jetën, por, megjithatë, ia doli ta kompletonte serinë “For Hanna…” dhe të realizonte ekspozita në kryeqytetin e Kosovës dhe në atë serb. Ai punoi deri në fund të jetës, duke luftuar pandalur me rraskapitjen që ia shkaktonte sëmundja.

Ai ishte i biri i një ndërtuesi lokomotivash për nazistët, në kohën e luftës në Gjermani. Ndërsa e ëma e tij ishte hebraike, dhe shumica e familjes së saj qe vrarë në dhomat e gazit. Ai e kishte zbuluar të kaluarën e prindërve të tij vetëm pasi ata vdiqën. Ai diplomoi më 2005 në “Fotoacademie Poelstra” me projektin që u shpërblye edhe me çmimin “Zilveren Camera”. Me këtë menjëherë mori hov dhe fotografitë e tij nisën të publikoheshin në revistën “Volkskrant Magazine”. Fotografitë e tij janë të drejtpërdrejta, empatike dhe larg sensacioneve. Paraqesin një rrëfim bardhezi për dramat me të cilat ballafaqohen infermieret çdo ditë.

“Unë zhytem në subjektet, për të gjetur gjëra që nuk i di”, kishte thënë ai në një intervistë me gazetaren Karolien Knols të “Volkskrant”. Kjo moto mori kuptim të ri kur më 2011 ai qe ballafaquar me të kaluarën e ashpër të prindërve të tij. Historia e jetës së tyre e formësoi atë që doli të jetë projekti i tij i fundit: lufta dhe paqja në Kosovë. Ai e kishte pyetur veten sesi ka qenë e mundur që e ëma e tij hebraike, Hannah, dhe babai i tij, bashkëpunëtor i nazistëve, kishin mundur t’i tejkalonin kontradiktat e tyre dhe të binin në dashuri pas luftës? Individë të tillë formësojnë simbole për popullsitë e vendeve të shkatërruara nga lufta. Fatet e tyre janë shumë pikëlluese, por edhe shpresëdhënëse. Për këtë arsye ai realizoi fotografi të shumta të ndërtesave të shkatërruara, të monumenteve, varrezave të viktimave dhe portrete të kosovarëve që vajtonin për personat e vdekur apo të zhdukur.

Në fund të verës së vitit 2017, Poelstra festoi për botimin e librit të tij, në një festë private në Amsterdam. Ndryshe prej pritjeve, ai jetoi edhe gati një vit më shumë. Mes të tjerash, e shfrytëzoi këtë kohë për ta realizuar një ekspozitë të madhe në kryeqytetin serb, Beograd, vend ku ultranacionalizmi ende nxitet. Poelstra besonte që mesazhi i tij për pajtim do të kishte efekt afatgjatë.

Një pjesë e madhe e pasurisë që ai ka lënë pas vetes i është dedikuar fondacionit “Forhanna”. Me këtë do të përkrahen fotografët të cilët hulumtojnë projekte të thella./KultPlus.com

Në Beograd do të ekspozohet dhimbja nga lufta në Kosovë

Willem Poelstra ka ekspozuar në Prishtinë hulumtimin e tij mbi luftën.

Një ekspozitë në Beograd do të dërgojë historitë e dhimbshme shqiptare drejt Serbisë. Poelstra nuk ia ka frikën sensitivitetit të fotografive.

Poelstra është një fotograf dokumentar nga Holanda. Fotografitë e tij nga data 25 qershor do të ekspozohen në Parobrod në Beograd, ndërsa tregojnë dhimbjen e shqiptarëve në luftën e fundit ku Serbia masakroi e vrau mijëra kosovarë, shkruan KultPlus.

Vitin e kaluar ai hapi ekspozitën dhe një botim të titulluar ‘For Hanna, Future Stories from the Past’. Pikërisht para Parlamentit të Kosovës këto fotografi zunë vendin dhe emocionin e tyre.

Ai ka fotografuar shtëpi të shkatërruara, të shpëtuar nga lufta, monumente, objekte.

“Gjeneratat e vjetra nuk pres që do të vijnë e ta shohin ekspozitën. Dua që të rinjtë ta shohin historinë dhe ekspozitën në Beograd” thotë fotografi Willem Poelstra që historinë e Kosovës e ka shumë për zemër.
Disa ditë para ekspozitës, një punëtori me disa fotografë nga Kosova e Serbia do të mbahet në Parobrod – galerinë ku do të hapet më pas ekspozita në fjalë. / KultPlus.com