Sot po kujtojmë 19 vjetorin e fillimit të bombardimeve të NATO-s në Jugosllavi.

Për shumë, po të mos ndodhnin këto bombardime Millosheviqi nuk do të ndalej së vrari shqiptarët e Kosovës. Kampanja që nisi në 24 mars 1999 megjithatë e pati efektin e vet të suksesshëm në fund.

Gjatë kësaj kampanje, me 23 prill 1999 u bombardua Radio Televizioni i Serbisë.

16 persona vdiqën në këtë sulm, i cili ende shihet si një ndërhyrje e NATO-s në civilët që nuk patën faj. Në anën tjetër, vetë Radio Televizioni i Serbisë në vitin 2011 kërkoj falje për informatat e pasakta që kishte shpërndarë gjatë kohës së luftës në Kosovë, dhe propagandën e tmerrshme asokohe, dhe në përgjithësi në vitet 90-të.

Analisti Tim Judah qysh asokohe kishte treguar se ky televizion po përhapë dezinformim dhe po bën që lufta në Kosovë të jetë edhe më e fuqishme.

NATO u arsyetua se mediet përdoren si armë gjatë luftërave. Filozofi Chomsky e quajti këtë veprim si terrorist ndërsa Amnesty International e quajti një krim lufte.

Viktimat kishin mbetur të ngujuara për disa ditë, derisa u vranë nga një sulm raketor. / KultPlus.com