Me stinën e dimrit vjen edhe koha më e mirë të shijoojmë borën por edhe skijimin.

Në një listë që e ka publikuar prestigjiozja angleze The Guardian, me rekomandimin e lexuesve të saj, gjendet edhe Butterfly Outdoor Adventure – kompania e inicuar nga Uta Ibrahimi nga Kosova.

Në shkrim paraqiten Bjeshkët e Nemuna shqiptare – si atraksioni kryesor gjatë borës në Ballkan.

Kompania Butterfly Outdoor Adventure mundëson ecjen nëpër borë – snow shoeing, për një çmim 200 euro, për dy ditë, përfshirë ushqimin dhe ciceronin – guidën.

Elizabeth – lexuesja që ka propozuar, tregon se si ajo e ka përshkruar këtë rrugë në malet e Kosovës, Shqipërisë dhe Malit të Zi, është pritur me raki dhe me një mikpritje nga të gjithë.

Kompaninë Butterfly Outdoor Adventure e ka themeluar Uta Ibrahimi – e para grua shqiptare që ka ngjitur majën Everest.

Në këtë listë përfshihen edhe vende të ndryshme atraksioni turistik në Zvicër, Francë, Finlandë, Kazakistan e vende tjera. / KultPlus.com