займ на карту онлайн потребительский кредит

Jehona Kastrati, një nga të shpërblyerat e Institutit Francez në Shkup (FOTO)

Qershor 27, 2018 - 11:40 pm

Instituti Ndërkombëtar i Modës “Izet Curi” për fundin e vitit shkollor sonte ka organizuar ekspozitë me kreacionet e punuara nga studentët, shkruan KultPlus.

Në Galerinë Nacionale të Maqedonisë “Daut Pasha Hamam”, studentët prezantuan punimet e tyre të frymëzuara nga puna e njërit nga mjeshtërit më të mëdhenj të modës Azzedine Alaia. Krahas kësaj në këtë ekspozitë Instituti francez në Shkup ka ndarë 3 çmime për arritjet vjetore të studentëve.

Nga studentët e vitit të dytë për koncept të koleksionit është shpërblyer studentja e talentuar nga Gjilani, Jehona Kastrati kurse nga viti i parë Driada Demiri, po ashtu nga Gjilani është shpërblyer për modelizëm dhe Lumturije Qamili nga Kërçova është shpërblyer për stilizëm.

Komisioni i përbërë nga Drejtori i Insitutit Francez ne Shkup, Emanuel Rember, profesor Nikola Eftimov, gazetarja e modës në Maqedoni, Nadica Gorgieva dhe profesoresha Dominique Brunet kanë qenë i vendosur në Institutin Ndërkombëtar të Modës “Izet Curri” dhe kanë vlerësuar konceptin e koleksionit dhe kreacionet të cilat i kanë punuar studentët me përfundimin e vitit shkollor.

Këto tri studente, si shpërblim kanë fituar një udhëtim në Francë ku do të kenë mundësi ta vizitojnë panairin e materialeve me të gjitha shpenzimet e mbuluara.

Këtë vit ekspozita u organizua për nderë të njërit ndër mjeshtërve më të mëdhenj të modës në shekullin XX, Azzedine Alaia, ndërsa në këtë ekspozitë kanë qenë të pranishëm Ministri i Arsimit te Maqedonisë, Ministri i Kulturës dhe Ambasadori i Francës në Maqedoni.

Ekspozita do të qëndroj e hapur për dhjetë ditë në Galerinë Nacionale të Maqedonisë “Daut Pasha Hamam”./ KultPlus.com

Të ngjajshme