“…vdekje erdoganizmit”, vazhdon nata e muzikës kurde në Prishtinë

10 Shkurt, 2018 - 9:04 am

Mbrëmë një aksion i Policisë së Kosovës megjithatë nuk e ka ndaluar jehonën e muzikës kurde.

“Nata e muzikës kurde” u planifikua e paralajmërua në Qendrën Sociale – Sabota në Prishtinë. Ajo u ndalua për pak minuta, por më pas muzika vazhdoi.

“ndeja vazhdon. biji biji kurdistan, vdekje erdoganizmit” është postuar mbrëmë një video nga Sabota në Facebook, për të pasuar edhe me “faşizme karşı omuz omuza”.

Ishte e mjaftueshme kjo ndërprerje policore për reagimet që pasuan në rrjetet sociale, shkruan KultPlus.

Një video tregon megjithatë se nata vazhdoi me tingujt e muzikës.

Populli kurd ka vite e vite që trajtohet keq në Turqi. Rreth 35 milion të tillë ata jetojnë në një regjion që shtrihet në Turqi, Siri, Armeni, Irak dhe Iran. Asnjëherë nuk e kanë pasur shtetin e tyre, për të cilin kanë luftuar e vazhdojnë të luftojnë. / KultPlus.com

Të fundit

Të ngjajshme